ଖୋଲିଲା ନବମ କ୍ଲାସ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଖୋଲିଲା ନବମ କ୍ଲାସ । କୋଭିଡ ଗାଇଡଲାଇନ ମଧ୍ୟରେ ଚାଲିଛି ପାଠପଢା । ସକାଳ ୯ରୁ ପାଠପଢା ଆରମ୍ଭ ହୋଇଥିବା ବେଳେ ୧୨.୩୦ ପର୍ଯ୍ୟନ୍ତ ସ୍କୁଲରେ ପାଠପଢା ହେବ । ବିଏସଇ, ସିବିଏସଇ ଓ ଆଇସିଏସଇ ଏବଂ ରାଜ୍ୟ ସରକାରଙ୍କ ଅନୁମୋଦିତ ଅନ୍ୟାନ୍ୟ ବୋର୍ଡ ଅନ୍ତଗର୍ତ ସମସ୍ତ ସ୍କୁଲରେ ଆରମ୍ଭ ହୋଇଛି ପାଠପଢା ।

ସ୍କୁଲ ଆସିବା ବାଧ୍ୟମୂଳକ କରାଯିବ ନାହିଁ, ବାପା-ମାଆଙ୍କ ଅନୁମତିରେ ସ୍କୁଲ ଆସିବେ ଛାତ୍ରଛାତ୍ରୀ । ଅନଲାଇନ ପାଠପଢା ମଧ୍ୟ ଜାରି ରହିବ । କରୋନା କଟକଣା କଡ଼ାକଡ଼ି ଭାବେ ପାଳନ କରାଯାଇ କ୍ଲାସ ହେଉଛି ।