ଭକ୍ତ ଓ ଭଗବାନଙ୍କ ମିଳନ ଖୁବଶୀଘ୍ର

କଟକ (ବଡ଼ ଖବର ବ୍ୟୁରୋ): ରାଜ୍ୟର ପ୍ରସିଦ୍ଧ ମନ୍ଦିରଗୁଡ଼ିକ ଖୋଲାଯିବା ନେଇ ଭକ୍ତ ଓ ସେବାୟତମାନେ ବାରମ୍ବାର ପ୍ରତିବାଦ କରି ଆସୁଛନ୍ତି । ଏନେଇ ହାଇକୋର୍ଟରେ ମଧ୍ୟ ମାମଲା ଚାଲିଛି । ଧାର୍ମିକ ଅନୁଷ୍ଠାନ ଖୋଲିବା ପ୍ରସଙ୍ଗରେ ମଙ୍ଗଳବାର ଆବେଦନକାରୀଙ୍କ ପ୍ରତିଜବାବ ଦାଖଲ କରିବାକୁ ହାଇକୋର୍ଟଙ୍କ ନିର୍ଦ୍ଦେଶ ହୋଇଛି । ନାଗାର୍ଜୁନ ବେଶ ମାମଲାରେ କୋର୍ଟଙ୍କ ଦୃଷ୍ଟି ଆକର୍ଷଣ କରିଥିବା ଆବେଦନକାରୀ ପ୍ରତି ଜବାବ ଦାଖଲ କରିବା ପରେ ଶୁଣାଣି ହେବ।

ଇତି ମଧ୍ୟରେ ମହାପ୍ରଭୁଙ୍କ ନାଗାର୍ଜୁନ ବେଶ ପ୍ରସ୍ତୁତି ଜୋର ଧରିଛି । ନଭେମ୍ବର ୨୫ ସୁଦ୍ଧା ବେଶ, ଆଭୂଷଣ କାମ ସରିବ । ନଭେମ୍ବର ୨୬ରେ ବେଶର ତ୍ରୁଟି ବିଚ୍ୟୁତି ତନଖି କରାଯିବ । ଆସନ୍ତା ୨୭ରେ ଶ୍ରୀମନ୍ଦିରରେ ମହାପ୍ରଭୁଙ୍କ ନାଗାର୍ଜୁନ ବେଶ ହେବ । ଚଳିତ ବର୍ଷ ବିନା ଭକ୍ତରେ ଠାକୁରଙ୍କ ନାଗାର୍ଜୁନ ବେଶ ହେଉଛି ।