ଭୁବନେଶ୍ୱର: ପୁଣି ଧାରଣାକୁ ଓହ୍ଲାଇବେ ଶିକ୍ଷକ ସଙ୍ଘ । ସାମ୍ବାଦିକ ସମ୍ମିଳନୀରେ ଏମିତି ଚେତାବନୀ ଦେଇଛି ଓଡ଼ିଶା ସ୍କୁଲ କଲେଜ ଶିକ୍ଷକ କର୍ମଚାରୀ ମିଳିତ ମଞ୍ଚ । ମଞ୍ଚର ଆବାହକମାନେ ଅଭିଯୋଗ କରିଛନ୍ତି କି, ସରକାର କଥା ଦେଇ କଥା ରଖିନାହାନ୍ତି । ୨୦୧୮ରୁ ସପ୍ତମ ପେ’ ହାରରେ ଦରମା ପାଇବାକୁ ହକ୍ ଥିବା ଅଧ୍ୟାପକ ଓ ଶିକ୍ଷକ ମାନେ ଆଜି ପର୍ଯ୍ୟନ୍ତ ଏଥିରୁ ବଞ୍ଚିତ । ଅବସରକାଳୀନ ପେନସନ ଓ ଅନ୍ୟାନ୍ୟ ଚାକିରି ସର୍ତ୍ତାବଳି ସଂପର୍କିତ ଦାବି ମଧ୍ୟ ରଖିଛି ମଞ୍ଚ । ଏହ ସହ ବାଦ୍ ପଡିଥିବା ବିଭିନ୍ନ ଅସଂଗତି ପୋଷ୍ଟ, ବାଦ ପଡିଥିବା ସ୍କୁଲ ଓ କଲେଜ, ଅବସର କାଳୀନ ବୟସ ସୀମା ୬୦ରୁ ୬୨ ଇତ୍ୟାଦି ଦାବି ନେଇ ଆସନ୍ତା ୨୭ ତାରିଖରେ ୭୫ ଜଣ ଷ୍ଟିରିଂ କମିଟି ସଭ୍ୟ ଧାରଣା ଦେବେ । କୋଭିଡର ନିୟମ ମାନି ଏକ ପ୍ରତୀକାତ୍ମକ ଧାରଣା ଦିଆଯିବ ବୋଲି କୁହାଯାଇଛି ।
