ସ୍ୱପ୍ନରେ ରହିଛି ଏମ୍ସ ସୁପର ସ୍ପେସିଅଲିଟି ହସ୍ପିଟାଲ

ବାଲେଶ୍ୱର(ବଡ଼ ଖବର ବ୍ୟୁରୋ): ବାଲେଶ୍ୱରରେ ନିର୍ମାଣ ହେବାକୁ ଥିବା ଏମ୍ସ ସୁପର ସ୍ପେସିଅଲିଟି ହସ୍ପିଟାଲ କାର୍ଯ୍ୟ ଏକ ରକମର ବନ୍ଦ ରହିଛି । ୨୦୧୩-୧୪ ମସିହାରୁ କେନ୍ଦ୍ର ସରକାର ଅନୁମତି ପ୍ରଦାନ ପରେ ରାଜ୍ୟ ସରକାର ଜମି ଯୋଗାଇ ଦେଇଥିଲେ । ହେଲେ ଇତି ମଧ୍ୟରେ ୭ ବର୍ଷ ବିତିଯାଇଥିଲେ ବି ଇଟା ଖଣ୍ଡେ ପଡ଼ି ପାରିନାହିଁ । ରାଜନୈତିକ ଇଚ୍ଛାଶକ୍ତିର ଅଭାବ ବା ଅନ୍ୟ କୌଣସି କାରଣରୁ ଏହା ହୋଇପାରୁନାହିଁ । ଏହାର ପ୍ରତିବାଦରେ ଆଜି ବାଲେଶ୍ୱର ଲୋକ ମଞ୍ଚ ତରଫରୁ ପ୍ରଧାନମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରାଯାଇଛି। ଲୋକ ମଞ୍ଚର ମୁଖ୍ୟ ବିକ୍ରମ ପଣ୍ଡାଙ୍କ ସମେତ ଜୟରାମ ଦାସ, ପ୍ରବୀର ଦାସ, ସମ୍ବିତ ବିଶ୍ୱାଳ, ହେମନ୍ତ ମହନ୍ତି ପ୍ରମୁଖ ତୁରନ୍ତ କାର୍ଯ୍ୟାରମ୍ଭ ପାଇଁ ଦାବି କରିଛନ୍ତି ।