ବାଇକରେ ଆସି ସୁନା ଚେନ୍ ଝାମ୍ପିନେଲେ

ବାସୁଦେବପୁର (ବଡ଼ ଖବର ବ୍ୟୁରୋ) ବାଇକରେ ଆସିଲେ । ଝାମ୍ପିଲେ ସୁନା ଚେନ । ଭଦ୍ରକ ଜିଲ୍ଲା ବାସୁଦେବପୁରରେ ଘଟିଛି ଏଭଳି ଘଟଣା । ବାସୁଦେବପୁର ବେତଡ଼ା ସ୍କୁଲର ଶିକ୍ଷୟିତ୍ରୀ ରତ୍ନମଣି ଦାସ ଅପରାହ୍ନରେ ସ୍କୁଲରୁ ଫେରି ବାସୁଦେବପୁର ସତସଙ୍ଗ ନିକଟରେ ଥିବା ଏକ ପାର୍ଲରକୁ ଯିବା ସମୟରେ ହଠାତ ଓଡି୨୨-କ୍ୟୁ୪୫୬୭ ନମ୍ବର ବାଇକରେ ଦୁଇ ଜଣ ଲୁଟେରା ଆସି ରତ୍ନମଣିଙ୍କ ବେକରୁ ସୁନା ଚେନ୍ ଝାମ୍ପି ନେଇଥିଲେ। ରତ୍ନମଣି ଚିତ୍କାର କରିବାରୁ ସ୍ଥାନୀୟ ଲୋକେ ଗୋଡ଼ାଇ ଜଣେ ଲୁଟେରା ସହ ବାଇକକୁ ଧରି ପୋଲିସ ଜିମା ଦେଇଛନ୍ତି। ଅନ୍ୟ ଜଣେ ଲୁଟେରା ଚେନ୍ ନେଇ ଫେରାର ହୋଇଯାଇଛନ୍ତି। ଏନେଇ ରତ୍ନମଣି ବାସୁଦେବପୁର ଥାନାରେ ଅଭିଯୋଗ କରିଛନ୍ତି।