ସରକାରୀ ଅଫିସ ଦାବିରେ ଗଣଧାରଣା

ସୁବର୍ଣ୍ଣପୁର ( ବଡ ଖବର ବ୍ୟୁରୋ): ଉଲୁଣ୍ଡା ବ୍ଲକରେ ନାହିଁ ନିବନ୍ଧକ କାର୍ଯ୍ୟାଳୟ । ଫଳରେ ଜମିଜମା କାଗଜାତ ଲାଗି ଲୋକଙ୍କୁ ଯିବାକୁ ପଡୁଛି ୫୦ କିଲୋମିଟର । ପୂର୍ବରୁ ବାରମ୍ବାର ଦାବି କଲେ ମଧ୍ୟ ମିଳୁନି ସୁଫଳ । ଯେଉଁଥି ଲାଗି ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ସଚେତନ ନାଗରିକ ମଂଚ ପକ୍ଷରୁ ସବ ରେଜିଷ୍ଟାର ଅଫିସ ସ୍ଥାପନ ଦାବିରେ ଦେଇଛିି ଗଣଧାରଣା । ବାରମ୍ବାର ପ୍ରତିଶୃତି ଓ ସରକାରୀ ଅବହେଳାରୁ ଏପର୍ଯ୍ୟନ୍ତ ରେଜିଷ୍ଟାର କାର୍ଯ୍ୟାଳୟ ହୋଇପାରୁନି । ଏଣୁ ଦାବି ପୂରଣ ନହେବା ପର୍ଯ୍ୟନ୍ତ ଗଣଧାରଣା ଚାଲୁ ରହିବ ବୋଲି ସଚେତନ ନାଗରିକ ମଂଚ ପକ୍ଷରୁ ଚେତାବନୀ ଦିଆଯାଇଛି । ନିବନ୍ଧକ କାର୍ଯ୍ୟାଳୟ ନଥିବାରୁ ସ୍ଥାନୀୟ ଜନ ସାଧାରଣ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।