ଦୁଇଦିନ ହେବ ପଡ଼ି ରହିଛି ଶବ

ନୟାଗଡ଼ ( ବଡ଼ ଖବର ବ୍ୟୁରୋ) : ଶ୍ମଶାନ ଯାଗାକୁ ନେଇ ଦେଖାଦେଇଛି ବିବାଦ । ସତ୍କାର ଲାଗି ଶବକୁ ଛାଡି ଦେଲେନି ଗାଁ ଲୋକେ। ଫଳରେ ଗତ କାଲି ଠାରୁ ପଡି ରହିଛି ମୃତକଙ୍କ ମର ଶରୀର । ଯାହାକୁ ପ୍ରତିବାଦ କରି ଶବକୁ କଦଳୀପଲ୍ଲୀ-ଶିଖରପୁର ରାସ୍ତାରେ ରଖି ଧାରଣା ଦେଇଛନ୍ତି ଗାଁ ଲୋକ । ଏମିତିକା ଘଟଣା ଘଟିଛି ନୟାଗଡ଼ ଜିଲ୍ଲା ଓଡ଼ଗାଁ ବ୍ଲକ ଶରଣକୁଳ ଥାନା ଭାଲିଆ ଡ଼ିହି ଗାଁରେ । ଘଟଣା ସ୍ଥଳରେ ପହଞ୍ଚି ବୁଝାସୁଝା କରୁଛି ପୋଲିସ । ଗାଁର ଉପରସାହି ଏବଂ ପାଇକ ସାହି ମଧ୍ୟରେ ଶ୍ମଶାନ ଯାଗାକୁ ନେଇ ବିବାଦ ଲାଗି ରହିଛି। ଗତକାଲି ଉପର ସାହିର ନାଥ ପ୍ରଧାନ(୭୨)ଙ୍କର ମୃତ୍ୟୁ ଘଟିଥିଲା । ମାତ୍ର ଶବକୁ ସତ୍କାର ଲାଗି ପାଇକ ସାହିର ଲୋକମାନେ ବିରୋଧ କରିଥିଲେ । ଫଳରେ ଗତକାଲି ଠାରୁ ମୃତଦେହ ପଡ଼ି ରହିଛି ।