ଭକ୍ତଙ୍କୁ ନାହିଁ ଅନୁମତି

ଓଡଗାଁ(ବଡ଼ ଖବର ବ୍ୟୁରୋ): ପ୍ରସିଦ୍ଧ ସ୍ୱର୍ଣ୍ଣକଳସ କ୍ଷେତ୍ର ଓଡଗାଁରେ ଅନୁଷ୍ଠିତ ହେଉଛି ଶ୍ରୀରଘୁନାଥଜିଉଙ୍କ ପଂଚୁକ ବେଶ । କାର୍ତ୍ତିକ ମାସରେ ହେଉଥିବା ଏହି ବେଶକୁ ଦର୍ଶନ କରିବାପାଇଁ ଶ୍ରଦ୍ଧାଳୁଙ୍କ ଭିଡ଼ ଲାଗିରହିଥାଏ । କିନ୍ତୁ ଏବର୍ଷ କରୋନା ପାଇଁ ଭକ୍ତଙ୍କୁ ନାହିଁ ଅନୁମତି । ସୂଚନାନୁସାରେ ଶ୍ରୀରଘୁନାଥଜିଉ ଅଁଳା ନବମୀରେ ଭୋର ୪.୩୦ରେ ସୀତାପାଦ ଦର୍ଶନ ଓ ପରଦିନ ଭୋର ୫.୩୦ରେ ରାଇଦାମୋଦର ବେଶରେ ଦର୍ଶନ ଦେବେ । ଅନ୍ୟପକ୍ଷେ କରୋନା କାରଣରୁ ଶ୍ରଦ୍ଧାଳୁଙ୍କୁ ମନ୍ଦିର ପ୍ରବେଶ ଅନୁମତି ନାହିଁ । ଶ୍ରଦ୍ଧାଳୁମାନେ ସିଂହଦ୍ୱାର ସମ୍ମୁଖରୁ ଶ୍ରୀଜିଉଙ୍କୁ ଦର୍ଶନ କରିପାରିବେ ।