ପିପିଲିରେ ରାଜନୈତିକ ଉଷ୍ମତା
ପିପିଲି(ବଡ଼ ଖବର ବ୍ୟୁରୋ): ପିପିଲିରେ ଅନୁଭୂତ ହେଲାଣି ଉପନିର୍ବାଚନ ତାତି । ଭୋଟ୍ ହାତେଇବାକୁ ଉଦ୍ୟମ ଆରମ୍ଭ କଲେଣି ବିଭିନ୍ନ ରାଜନୈତିକ ଦଳ । ଜନସମ୍ପର୍କ ଅଭିଯାନ ମାଧ୍ୟମରେ ସାଧାରଣ ଲୋକଙ୍କର ନିକଟତର ହେବାକୁ ଉଦ୍ୟମ ଆରମ୍ଭ କରିଛି ବିଜେପି । ଗତ ସାଧାରଣ ନିର୍ବାଚନରେ ଦୁଇ ନମ୍ବରରେ ଥିବା ବିଜେପି, ବିଜେଡ଼ିର ଏହି ଗଡକୁ ଅକ୍ତିଆର କାରିବା ପାଇଁ କସରତ ଆରମ୍ଭ କରିଛି । ପୁଣି ଥରେ ଟ୍ରାକକୁ ଫେରିବାକୁ ଚେଷ୍ଠା କରୁଛି କଂଗ୍ରେସ । ସେପଟେ ପୁଣି ଥରେ ପିପିଲିରେ ବାଲେଶ୍ଵର ଓ ତର୍ତ୍ତୋଲ ଭଳି ସଫଳତା ମିଳିବ ବୋଲି ଦମ୍ଭୋକ୍ତି ପ୍ରକାଶ କରିଛି ବିଜେଡି ।
ବାଲେଶ୍ଵର ଓ ତିର୍ତ୍ତୋଲ ଉପନିର୍ବାଚନ ପରେ ଏବେ ପିପିଲି ଉପରେ ରହିଛି ରାଜ୍ୟବାସୀଙ୍କ ନଜର । ପିପିଲି ନିର୍ବାଚନମଣ୍ଡଳୀର ଭୋଟରଙ୍କୁ କିଏ, କିପରି ପ୍ରଭାବିତ କରିବ ସେନେଇ ଏବେ ଠାରୁ ଆରମ୍ଭ ହେଲାଣି ଅଙ୍କକଷା । ବିଧାୟକ ପ୍ରଦୀପ ମହାରଥୀଙ୍କ ବିୟୋଗ ପରେ ଏଠାରେ ଉପନିର୍ବାଚନ ହେଉଛି । ୭ଥର ବିଜେଡି କବଜାରେ ରହିଛି ପିପିଲି । ତେବେ ଏଥର କିଏ ଜିତୁଛି ତାହା ଦେଖିବାକୁ ବାକି ରହିଲା ।