ସ୍ୱଚ୍ଛତାର ନଗ୍ନଚିତ୍ର

ଶେରଗଡ଼ (ବଡ଼ ଖବର ବ୍ୟୁରୋ): ରାସ୍ତା କଡରେ ଜମି ରହିଛି କୁଢ଼ କୁଢ଼ ଆବର୍ଜନା । ଗନ୍ଧରେ ନାକ ଫାଟି ପଡୁଛି । ଶେରଗଡ଼ ମେଡିକାଲ ଛକରୁ ବିଜୁ ପଟ୍ଟନାୟକ ଛକ ପର୍ଯ୍ୟନ୍ତ ଏଭଳି ମଇଳା ପଡିରହିଛି । ଏହି ରାସ୍ତା ଦେଇ ଶହ ଶହ ଲୋକ ଯାଉଛନ୍ତି । ସରକାର ସ୍ୱଚ୍ଛତା ଦିଗରେ ବଡ଼ ପଦକ୍ଷେପ ନେଉଥିବା ବେଳେ ଏଠାରେ ପଡିନାହିଁ କାହାରି ନଜର । ସ୍ୱଚ୍ଛତା ଆଣିବାରେ ଚଳିତ ବର୍ଷ ଶେରଗଡ଼କୁ ପୁରସ୍କାର ମିଳିଥିବା ବେଳେ ଏଭଳି ଚିତ୍ର ସାଧାରଣରେ ଚର୍ଚ୍ଚାର ବିଷୟ ପାଲଟିଛି । ଏହି ସବୁ ଆବର୍ଜନାକୁ ସଫା କରାଯାଉ ବୋଲି ସ୍ଥାନୀୟ ଲୋକେ ଦାବି କରିଛନ୍ତି ।