ବାଇକରୁ ବୋମା ପଡି ବିସ୍ଫୋରଣ
ଖଲ୍ଲିକୋଟ (ବଡ଼ ଖବର ବ୍ୟୁରୋ): ବାଇକରୁ ବୋମା ପଡି ବିସ୍ଫୋରଣ । ବିସ୍ଫୋରଣରେ ବାଇକ ଚାଳକ ମୃତ । ଆରୋହୀ ଗୁରୁତର । ଏଭଳି ଘଟଣା ଘଟିଛି ଗଞ୍ଜାମ ଜିଲ୍ଲାର ଖଲ୍ଲିକୋଟ ସହରରେ । ଆଜି ସଂନ୍ଧ୍ୟାରେ ଥାଶୁଳା ଗାଁରୁ ଦୁଇଜଣ ଯୁବକ ନିଶାସକ୍ତ ହୋଇ ବାଇକରେ ନିକଟସ୍ଥ ପେଟ୍ରୋଲ ପମ୍ପକୁ ଯାଉଥିଲେ । ନିର୍ମଳଝର ଛକ ନିକଟରେ ବାଇକଟି ଦୁର୍ଘଟଣା ଗସ୍ତ ହୋଇଥିଲା । ସେମାନେ ଧରିଥିବା ବୋମା ତଳେ ପଡି ପ୍ରଚଣ୍ଡ ବିସ୍ଫୋରଣ ହୋଇଥିଲା ।
ଘଟଣାସ୍ଥଳରେ ମଣ୍ଟୁ ମହାରଣାଙ୍କ ମୃତ୍ୟୁ ହୋଇଥିବା ବେଳେ ବାଈକ ଆରୋହୀ ସିଲୁ ପାହାନ ଗୁରୁତର ହୋଇଥିଲେ । ତାଙ୍କୁ ଖଲ୍ଲିକୋଟ ଡାକ୍ତରଖାନାରେ ପ୍ରାଥମିକ ଚିକତ୍ସା କରାଯାଇ ବ୍ରହ୍ମପୁର ସ୍ଥାନାନ୍ତର କରାଯାଇଛି । ଖବର ପାଇ ଗଞ୍ଜାମ ଅତିରିକ୍ତ ଏସପି ଉକ୍ରଳ କେଶରୀ ଦାଶ, ଏସଡିପିଓ ଗୌତମ କିଶାନ ପହଞ୍ଚି ତଦନ୍ତ ଜାରି ରଖିଛନ୍ତି । ଖଲ୍ଲିକୋଟ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।