ସମସ୍ତଙ୍କୁ ମିଳିବନି କରୋନା ଟିକା

ଭୁବନେଶ୍ୱର (ବଡ଼ ଖବର ବ୍ୟୁରୋ): ସମସ୍ତଙ୍କୁ ଦିଆଯିବନି କରୋନା ଟିକା । ଏକଥା ସ୍ପଷ୍ଠ କରିଛନ୍ତି କେନ୍ଦ୍ର ସରକାର । ଆଜି ଏକ ସାମ୍ବାଦିକ ସମ୍ମିଳନୀରେ କେନ୍ଦ୍ର ସ୍ୱାସ୍ଥ୍ୟ ସଚିବ, ଆଇସିଏମଆର ଡିଜି କହିଛନ୍ତି ଦେଶର ସମସ୍ତଙ୍କୁ କରୋନା ଟିକା ଦିଆଯିବ ନାହିଁ । ସମସ୍ତେ ଟିକା ପାଇବେ ବୋଲି ପୂର୍ବରୁ କେନ୍ଦ୍ର ସରକାର କେବେ କହି ନାହାନ୍ତି । ସଂକ୍ରମଣ ଚେନ ଭାଙ୍ଗିବା ପାଇଁ ନିଦ୍ଦିଷ୍ଠ କିଛି ଲୋକଙ୍କୁ ଟିକା ଦିଆଯିବ । ଯଦି ଚେନ ଭାଙ୍ଗିଗଲା ତେବେ ସମସ୍ତଙ୍କୁ ଟିକା ଦେବାର ଆବଶ୍ୟକତା ନାହିଁ । ପୂର୍ବରୁ କେନ୍ଦ୍ର ଓ ରାଜ୍ୟ ସରକାର କହିଥିଲେ ଯେ କରୋନା ଯୋଦ୍ଧାମାନେ ହିଁ ପ୍ରଥମ ପର୍ଯ୍ୟାୟରେ କୋଭିଡ ଟିକା ପାଇବେ । ସ୍ୱାସ୍ଥ୍ୟ ବିଭାଗର କର୍ମଚାରୀ, ପୋଲିସ, ବୟସ୍କ ନାଗରିକଙ୍କୁ ଏହି ତାଲିକାରେ ସାମିଲ କରାଯାଇଛି ।