ଭ୍ୟାନ ଓଲଟି ୫ ଗୁରୁତର
ଗୁଣୁପୁର(ବଡ଼ ଖବର ବ୍ୟୁରୋ): ଗୁଣୁପୁରରେ ଭ୍ୟାନ ଓଲଟି ୫ ଗୁରୁତର । ଏଭଳି ମର୍ମନ୍ତୁଦ ଘଟଣା ଘଟିଛି ଗୁଣୁପୁର ପୁଟାସିଂ ନିକଟସ୍ଥ ରିଜଙ୍ଗତାଲ୍ ଗ୍ରାମ ଠାରେ । ଗୁରୁତର ମାନେ ହେଉଛନ୍ତି ସିପାନୀ ଦଳ ବେହେରା, ସୁବାନୀ ଶବର, ଅବେଧ ଶବର, ଜୁଏଲ ଶବର, ସନ୍ତୁ ଶବର । ଏମାନେ ପିକ୍ଅପ୍ ଭ୍ୟାନରେ ବଡଦିନ ପର୍ବ ନିମନ୍ତେ ଆବାଡ ଯାଇଥିଲେ । ଭ୍ୟାନଟି ଭାରସାମ୍ୟ ହରାଇ ରିଜଙ୍ଗତାଲ୍ ଗ୍ରାମଠାରେ ଓଲଟି ପଡିଥିଲା । ଗୁରୁତରଙ୍କୁ ଆମ୍ବୁଲାନ୍ସରେ ଗୁଣୁପୁର ଉପଖଣ୍ଡ ମେଡିକାଲରେ ଭର୍ତ୍ତି କରାଯାଇଛି ।
ଅବସ୍ଥା ଗୁରୁତର ଥିବାରୁ ବ୍ରହ୍ମପୁର ବଡମେଡିକାଲକୁ ସ୍ଥାନାସ୍ତର କରିବାକୁ ଡାକ୍ତର ପରାମର୍ଶ ଦେଇଛନ୍ତି । ଗୁରୁତର ମାନେ କୁଲୁସିଙ୍ଗ ଅଞ୍ଚଳର ବୋଲି ଜଣାପଡିଥିବା ବେଳେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
