ଜମିଜମା ବିବାଦକୁ ନେଇ ଥାନା ଆଗରେ ପରିବାର ସହ ଧାରଣା

ବାଲିଆପାଳ(ବଡ଼ ଖବର ବ୍ୟୁରୋ): ପୈତୃକ ଜମିଜମା ବିବାଦକୁ ନେଇ ବାଲିଆପାଳ ପୋଲିସ ପକ୍ଷରୁ ନ୍ୟାୟ ନପାଇବା ପ୍ରତିବାଦରେ ବାଲିଆପାଳ ଥାନା ଆଗରେ ଧାରଣାରେ ବସି ଛନ୍ତି ପରିବାର । ବାଲିଆପାଳ ଥାନା ଅଧୀନ ବଳରାମ ବେହେରା ଓ ରବିନ୍ଦ୍ର ବେହେରା ପରିବାର ମଧ୍ୟରେ ପୈତୃକ ସମ୍ପତ୍ତି ଭାଗ ବଣ୍ଟାକୁ ନେଇ ଦୀର୍ଘ ବର୍ଷ ହେବ ବିବାଦ ଲାଗିରହିଥିବା ବେଳେ ବଳରାମ ବେହେରାଙ୍କ ପରିବାର ନ୍ୟାୟ ପାଇଁ ବାରମ୍ବାର ବାଲିଆପାଳ ଥାନାରେ କାର୍ଯ୍ୟାନୁଷ୍ଠାନ ପାଇଁ ଲିଖିତ ଅଭିଯୋଗ କରିଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ।

ଫଳରେ ରବିନ୍ଦ୍ର ବଳରାମ ବେହେରାଙ୍କ ପରିବାରକୁ ନାନାଦି ହୈରାନ୍ ହରକତ କରିବା ସହ ବାହାରିବା ପାଇଁ ରାସ୍ତା ମଧ୍ୟ ବନ୍ଦ କରିଥିଲେ। ବାଲିଆପାଳ ଥାନାରେ ବାରମ୍ବାର ଅଭିଯୋଗ ପରେ କୌଣସି ନ୍ୟାୟ ନମିଳିବାରୁ ବାଧ୍ୟହୋଇ ନିଜର ବୁଢା ବାପା,ମାଆଙ୍କ ସହ ସପରିବାର ବାଲିଆପାଳ ଥାନା ଆଗରେ ନ୍ୟାୟ ପାଇଁ ଧାରଣାରେ ବସିଛନ୍ତି।