ନିଆରା ଢଙ୍ଗରେ ନୂଆବର୍ଷ ପାଳନ
ମହାକାଳପଡ଼ା(ବଡ଼ ଖବର ବ୍ୟୁରୋ): ନୂଆ ଆଶା ନୂଆ ଉଦ୍ଦିପନା ନେଇ ୨୦୨୧, ନବବର୍ଷକୁ ସ୍ୱାଗତ କରିବା ପାଇଁ ସାରା ବିଶ୍ୱବାସୀ ଧୁମ ଧାମରେ ପାଳନ କରୁଛନ୍ତି । କିଏ ମନ୍ଦିର ଯାଉଛନ୍ତି କିଏ ପୁଣି ପିକିନିକ, ଭୋଜିଭାତ ମଉଜ ମଜଲିସ୍ କରି ସମୟ ବିତାଉଛନ୍ତି । କିନ୍ତୁ ନିଆରା ଢଙ୍ଗରେ ନୂଆବର୍ଷ ପାଳନ କରିଛନ୍ତି ପରିବେଶପ୍ରେମୀ ସମରେନ୍ଦ୍ର ମାହାଳୀ । ଗହିରମଥା ସାମୁଦ୍ରିକ ଅଭୟାରଣ୍ୟ, ମହାକାଳପଡା ବନାଞ୍ଚଳରେ ଥିବା ଲୁଣା ଜଙ୍ଗଲର ଗଛଗୁଡିକରେ ପକ୍ଷୀ ମାନଙ୍କ ସୁରକ୍ଷା ପାଇଁ କୃତିମ ବସା ନିର୍ମାଣ କରିଛନ୍ତି ।
ବନ୍ୟଜନ୍ତୁ ପଶୁପକ୍ଷୀଙ୍କ ସୁରକ୍ଷା ପାଇଁ ସରକାର ଯୋଜନା ତିଆରି କରୁଛନ୍ତି । ସରକାର ଠାରୁ ବେସରକାରୀ ସଂଗଠନମାନେ ଏହି କାର୍ଯ୍ୟରେ ନିୟୋଜିତ ଅଛନ୍ତି । ମାତ୍ର ଆନ୍ତରିକତାର ଅଭାବ ଯୋଗୁଁ ଏହା କାର୍ଯ୍ୟକାରିତା ଦିଗରେ ପ୍ରଶ୍ନବାଚୀ ସୃଷ୍ଟି କରିଛି । ବିଭିନ୍ନ ସମୟରେ ନିଜସ୍ୱ ଉଦ୍ୟମରେ ପରିବେଶପ୍ରେମୀ ସମରେନ୍ଦ୍ର ମାହାଳୀ ପରିବେଶ ସମ୍ପର୍କରେ କାର୍ଯ୍ୟକରନ୍ତି । ପକ୍ଷୀମାନେ କିଭଳି ଅଣ୍ଡାଦାନ କରି ସୁରକ୍ଷିତ ଭାବେ ବଂଶ ବିସ୍ତାର କରି ନିରାପଦ ରହିବେ ସେଥିପ୍ରତି ଉଦ୍ୟମ ଆରମ୍ଭ କରିଛନ୍ତି ।