ଭୁବନେଶ୍ୱର(ବଡ଼ ଖବର ବ୍ୟୁରୋ): ତାସ୍ ଖେଳରୁ ତୁମୁଳ କାଣ୍ଡ । ତାସ୍ ଖେଳରୁ ହାରି ରକ୍ତମୁଖାହେଲା ଯୁବକ । ଶେଷରେ ଗାଁ ଦାଣ୍ଡରେ ଗୋଡାଇ ଗୋଡାଇ ହାଣିଲା ଖେଳରେ ହାରିଥିବା ଯୁବକକୁ । ଘଟଣାସ୍ଥଳରେ ଯୁବକର ମୃତ୍ୟୁ । ଏଭଳି ଅଭାବନୀୟ ଘଟଣା ଘଟିଛି ବାଲେଶ୍ୱର ଜିଲ୍ଲା ନୀଳଗିରି ଥାନାର ମିତ୍ରପୁର ଅଞ୍ଚଳରେ। ମୃତକ ଜଣକ ହେଲେ ତଇଲାସାହି ଗ୍ରାମର କୁନା ଭୋଳ। ସୂଚନାଯୋଗ୍ୟ, ଅଭିଯୁକ୍ତ ଗଣେଶା ସିଂ ଓ କୁନା ମଧ୍ୟରେ ତାସ ଖେଳକୁ ନେଇ ପାଟିତୁଣ୍ଡ ଲାଗିଥିଲା। ଆଜି କୁନା ଘରୁ ବାହାରିବା ବେଳେ ଗଣେଶା ତାକୁ ରାସ୍ତାରେ ଗୋଡାଇ ଗୋଡାଇ ଭୂଜାଲିରେ ଆକ୍ରମଣ କରିଥିଲା। ରକ୍ତାକ୍ତ ଅବସ୍ଥାରେ କୁନାଙ୍କୁ ନୀଳଗିରି ହସ୍ପିଟାଲରେ ଭର୍ତି କରାଯାଇଥିଲା । ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପୋଲିସ ଘଟଣା ସ୍ଥଳକୁ ଯାଇ ତଦନ୍ତ କରୁଥିବା ବେଳେ ଅଭିଯୁକ୍ତ ଫେରାର ହୋଇଥିବା ଜଣାପଡିଛି। ଏନେଇ ମୃତଙ୍କ ସ୍ତ୍ରୀ ଥାନାରେ ଲିଖିତ ଅଭିଯୋଗ କରି ହତ୍ୟାକାରୀ ବିରୁଦ୍ଧରେ ଦୃଢ଼ କାର୍ୟ୍ୟାନୁଷ୍ଠାନ ପାଇଁ ଦାବି କରିଛନ୍ତି ।
