ଆଜିଠୁ ଭୁବନେଶ୍ୱରରେ ଆରମ୍ଭ ହେଉଛି ଦ୍ୱିତୀୟ ପର୍ଯ୍ୟାୟ ଟିକାକରଣ

ଭୁବନେଶ୍ୱର (ବଡ଼ ଖବର ): ଆଜିଠୁ ଭୁବନେଶ୍ୱରରେ ଆରମ୍ଭ ହେଉଛି ଦ୍ୱିତୀୟ ପର୍ଯ୍ୟାୟ ଟିକାକରଣ । କାଲିଠାରୁ ରାଜ୍ୟର ଅନ୍ୟ ଜିଲ୍ଲା ମାନଙ୍କରେ ଆରମ୍ଭ ହେବ ଟିକାକରଣ ପ୍ରକ୍ରିୟା । ରାଜ୍ୟରେ ୩ଲକ୍ଷ ୫୦ହଜାର ୭୨୬ ସ୍ୱାସ୍ଥ୍ୟ କର୍ମୀଙ୍କୁ ଟିକା ଦେବାର ଲକ୍ଷ୍ୟ ରଖାଯାଇଛି । ଏବଂ ଏପର୍ଯ୍ୟନ୍ତ ରାଜ୍ୟରେ ୧ଲକ୍ଷ ୭୭ହଜାର ୯୦ଜଣ ଟିକା ନେଇସାରିଛନ୍ତି । ତେବେ ଫେବୁଆରୀ ୧୦ ପର୍ଯ୍ୟନ୍ତ ଏହି ଟିକାକରଣ ପ୍ରକ୍ରିୟା ଚାଲିବ । କେଉଁ ଦିନ କେଉଁଠାରେ ଟିକାକରଣ କରାଯିବ ସେ ନେଇ ଜିଲ୍ଲା ସ୍ତରରୁ ମାଇକ୍ରୋ ପ୍ଲାନ ଆସିବା ପରେ ଜଣାପଡିବ । ଏବଂ କେତେଜଣଙ୍କୁ ଟିକା ଦିଆଯିବ ସେ ନେଇ ମଧ୍ୟ ଜିଲ୍ଲା ଗୁଡିକ ରିପୋର୍ଟ ଦେବେ । ଏଥିସହ ଯେଉଁମାନେ ପଞ୍ଜୀକୃତ ହୋଇ ମଧ୍ୟ ଟିକା ନେଇନାହାଁନ୍ତି ସେମାନଙ୍କୁ ପର୍ଯ୍ୟାୟକ୍ରମେ ପୁଣି ଡକାଯାଇ ଟିକା ଦିଆଯିବ ବୋଲି ପରିବାର କଲ୍ୟାଣ ବିଭାଗ ପକ୍ଷରୁ କୁହାଯାଇଛି ।