ଫେବୃଆରୀ ୧୮ରେ ଆଇପିଏଲ ନିଲାମ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଫେବୃଆରୀ ୧୮ରେ ହେବ ଆଇପିଏଲ ସିଜିନ ୧୪ ପାଇଁ ନିଲାମୀ । ବୁଧବାର ବିସିସିଆଇ ଏନେଇ ଘୋଷଣା କରିଛି । ଏହି ନିଲାମୀ ଚେନ୍ନାଇରେ ଅନୁଷ୍ଠିତ ହେବ । ଇଣ୍ଡିଆନ ସୁପର ଲିଗ ମିନି ନିଲାମୀ ପୂର୍ବରୁ ବିଭିନ୍ନ ଫ୍ରାଂଚାଇଜ ଖେଳାଳିଙ୍କୁ ମୁକ୍ତ କରିଛି । ୮ ଫ୍ରାଂଚାଇଜ ମୋଟ ୧୩୯ ଖେଳାଳିଙ୍କୁ ରଖିଥିବା ବେଳେ ୫୩ ଜଣ ଖେଳାଳିଙ୍କୁ ଛାଡିଛି । ଚଳିତ ଆଇପିଏଲ ଭାରତରେ ହେବ କି ନାହିଁ ତାହା ଏଯାବତ ସ୍ଥିର ହୋଇନାହିଁ । କିନ୍ତୁ ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି ବାରମ୍ବାର କହିଛନ୍ତି କି ବିଶ୍ୱର ସବୁଠାରୁ ବଡ଼ କ୍ରିକେଟ ଲିଗକୁ ଭାରତରେ କରିବାକୁ ସମସ୍ତ ପ୍ରୟାସ କରାଯିବ । ଯଦି ଏହି ଆଇପିଏଲ ନିଲାମୀ କଥା କହିବା ତାହାଲେ କିଙ୍ଗସ୍ ଏକାଦଶ ପଞ୍ଜାବ ପାଖରେ ୫୩ କୋଟି ୨୦ ଲକ୍ଷ ଥିବା ବେଳେ କୋଲକତା ନାଇଟ ରାଇର୍ଡସ ଓ ସନ ରାର୍ଜସ ହାଇଦ୍ରାବାଦ ପାଖରେ ୧୦ କୋଟି ୭୫ ଲକ୍ଷ ପାଣ୍ଠି ରହିଛି ।