ସଂସଦ ବଜେଟ ଅଧିବେଶନ: ରାଷ୍ଟ୍ରପତିଙ୍କ ଅଭିଭାଷଣ ଜାରି
ନୂଆଦିଲ୍ଲୀ (ବଡ଼ ଖବର): ଆଜିଠାରୁ ସଂସଦରେ ଆରମ୍ଭ ହୋଇଛି ବଜେଟ ଅଧିବେଶନ । ରାଷ୍ଟ୍ରପତି ରାମନାଥ କୋବିନ୍ଦ ଦୁଇଗୃହର ମିଳିତ ଅଧିବେଶନକୁ ସମ୍ବୋଧିତ କରିଛନ୍ତି । କରୋନା ସଂକ୍ରମଣ ପ୍ରଭାବରେ ଭୁଶୁଡିପଡିଥିବା ଦେଶର ଅର୍ଥନୀତିକୁ ସଞ୍ଜୀବନୀ ଦେବାକୁ ଏହି ଅଧିବେଶନ ଗୁରୁତ୍ୱ ଦେବ । କରୋନା ମହାମାରୀକୁ ଦୃଷ୍ଟିରେ ରଖି ଏଭଳି ବ୍ୟବସ୍ଥା କରାଯାଇଛି । ରାଷ୍ଟ୍ରପତିଙ୍କ ଅଭିଭାଷଣ ପରେ ଏହା ଉପରେ ଆଲୋଚନା କରାଯାଇଛି । ପରେ ଫେବୃଆରୀ ୧ ତାରିଖରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ୨୦୨୧-୨୨ର ବଜେଟ ଉପସ୍ଥାପନ କରିବେ । ଏଥରେ ବଜେଟ ପେପରଲେସ ହେବ ବୋଲି ମଧ୍ୟ କୁହାଯାଇଛି ।
ପଟେ ରାଷ୍ଟ୍ରପତିଙ୍କ ଅଭିଭାଷଣକୁ ୧୬ଟି ବିରୋଧୀ ଦଳ ବର୍ଜନ କରିବେ । ତେବେ ଏଥିରେ ବିଜେଡି ସାମିଲ ହେବ ନାହିଁ ବୋଲି ସୂଚନା ମିଳିଛି । କୃଷି ଆଇନକୁ ନେଇ ବିରୋଧୀଦଳ ଗୁଡିକ ଏପରି ନିଷ୍ପତ୍ତି ନେଇଥିବା କହିଛନ୍ତି । କଂଗ୍ରେସ, ଶିବସେନା, ଏନସିପି ଓ ତୃଣମୂଳ କଂଗ୍ରେସ ପରି ଦଳ ରାଷ୍ଟ୍ରପତିଙ୍କ ଅଭିଭାଷଣକୁ ବର୍ଜନ କରିଛନ୍ତି ବୋଲି ଜଣାପଡିଛି । ସେହିପରି ଆଜି ମଧ୍ୟ ଚଳିତ ବର୍ଷର ଅର୍ଥନୈତିକ ସର୍ଭେ ରିପୋର୍ଟ ଆସିବ । ଚଳିତ ବଜେଟ ଅଧିବେଶନ ଦୁଇଟି ପର୍ଯ୍ୟାୟରେ ଚାଲିବ । ପ୍ରଥମ ପର୍ଯ୍ୟାୟ ଆଜିଠାରୁ ଫେବୃଆରୀ ୧୫ ଓ ଦ୍ୱିତୀୟ ପର୍ଯ୍ୟାୟ ମାର୍ଚ୍ଚ ୮ରୁ ଅପ୍ରେଲ ୮ ତାରିଖ ଯାଏ ଚାଲିବ । କରୋନାକୁ ଦୃଷ୍ଟିରେ ରଖି ପ୍ରତ୍ୟେକ ଦିନ ଅଧିବେଶନ ୪ ଘଣ୍ଟା ଚାଲିବ । ଏହି ସମୟରେ କୋଭିଡ୍ର ସମସ୍ତ ଗାଇଡଲାଇନ ପାଳନ କରାଯିବ ।