ବିଭତ୍ସ ହତ୍ୟାକାଣ୍ଡ, କଟାମୁଣ୍ଡ ଉଦ୍ଧାର

ସୁନ୍ଦରଗଡ଼ (ବଡ଼ ଖବର ବ୍ୟୁରୋ): ସୁନ୍ଦରଗଡ଼ରେ ପୁଣି ବିଭତ୍ସ ହତ୍ୟାକାଣ୍ଡ । ଇବ୍ ନଦୀ ପଠାରୁ ଯୁବକଙ୍କ ଖଣ୍ଡବିଖଣ୍ଡିତ ମୃତଦେହ କରାଯାଇଛି ଉଦ୍ଧାର । ଗତ ଜାନୁଆରୀ ୧୪ ତାରିଖ ସୁନ୍ଦରଗଡ଼ ଟାଉନ ଥାନା ଭବାଣୀପୁର ଗାଁର ଗାଁସାଥୀକୁ ଖଣ୍ଡ ଖଣ୍ଡ କରି ଗାଁ ନିକଟ ପୋଖରୀରେ ଫିଙ୍ଗି ଦେବା ଘଟଣା ସମଗ୍ର ଅଞ୍ଚଳରେ ଚର୍ଚ୍ଚାର ବିିଷୟ ପାଲଟିଥିଲା । ଆଜି ଆଉ ଏକ ଘଟଣା ଦେଖିବାକୁ ମିଳିଛି ସୁନ୍ଦରଗଡ଼ ସଦର ଥାନା ବନ୍ଧପାଲି ନିକଟ ଇବ୍ ନଦୀ ପଠାରୁ ।

ନଦୀ ପଠାରୁ ଜଣେ ଯୁବକର କଟାମୁଣ୍ଡ, ଗୋଡ଼ ଏବଂ ଗଣ୍ଡି ମିଳିଛି । ଗତ ରାତିରେ ସଦର ଥାନା ପୋଲିସ ଏହି ଖଣ୍ଡବିଖଣ୍ଡିତ ମୃତଦେହ ଉଦ୍ଧାର କରିବା ସହିତ ତଦନ୍ତ ଆରମ୍ଭ କରିଛି । ତେବେ ବର୍ତ୍ତମାନ ପର୍ଯ୍ୟନ୍ତ ଯୁବକଙ୍କ ପରିଚୟ ଜଣାପଡ଼ିନାହିଁ । ସେପଟେ ଆଜି ଯୁବକଙ୍କ ଅନ୍ୟ ଅଙ୍ଗକୁ ଖୋଜୁଛି ପୋଲିସ ।