ଭଦ୍ରକରେ ୧୪୪ ଜାରି, ଫୋର୍ସ ମୁତୟନ

ଭଦ୍ରକ(ବଡ଼ ଖବର ବ୍ୟୁରେ): ଭଦ୍ରକରେ ବସ ସିଣ୍ଡିକେଟକୁ ନେଇ ଦୀର୍ଘ ଦିନ ହେବ ବିବାଦ ଲାଗି ରହିଛି । ଦୁଇ ଗୋଷ୍ଠୀ ମଧ୍ୟରେ ଲାଗିଥିବା ବିବାଦ ଶନିବାର ଦିନ ଚରମ ସୀମାରେ ପହଞ୍ଚିଥିଲା । ପରିସ୍ଥିତି ବିଗିିଡିବା ଆଗରୁ ଜିଲ୍ଲା ପ୍ରଶାସନ ୧୪୪ ଧାରା ଜାରି କରିଛି । ଶାନ୍ତି ଶୃଙ୍ଖଳା ରକ୍ଷା ପାଇଁ ପୋଲିସ ମୁତୟନ କରାଯାଇଛି । ପରିସ୍ଥିତି ପ୍ରତି ଜିଲ୍ଲାର ବରିଷ୍ଠ ପ୍ରଶାସନ ଅଧିକାରୀମାନେ ନଜର ରଖିଛନ୍ତି ।

ଏମିତିକି ସିଣ୍ଡିକେଟର ଦୁଇ ଗୋଷ୍ଠି ମଧ୍ୟରେ ବହୁ ବିବାଦ ଲାଗିରହିଛି । ଏହି ବିବାଦକୁ ଦୃଷ୍ଟିରେ ରଖି ଅପ୍ରୀତିକର ପରିସ୍ଥିତି ସୃଷ୍ଟି ହେବାର ସମ୍ଭାବନା ରହିଛି । ଏହାକୁ ନଜରରେ ରଖି ଜିଲ୍ଲା ପ୍ରଶାସନ ତରଫରୁ କଟକଣା ସ୍ୱରୂପ ୧୪୪ ଧାରା ଜାରି କରାଯାଇଛି । ତେବେ ଏହି କଟକଣା ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ବଳବତ୍ତର ରହିବ ବୋଲି ସୂଚନା ମିଳିଛି । ବସ ସିଣ୍ଡିକେଟ ପରିସରରେ ସୁରକ୍ଷା ଦୃଷ୍ଟିରୁ ପୋଲିସ ଫୋର୍ସ ମଧ୍ୟ ମୁତୟନ କରାଯାଇଛି।