ଶବ ରଖି କ୍ଷତିପୂରଣ ମାଗୁଛନ୍ତି ପରିବାର

ଭଦ୍ରକ, (ବଡ଼ ଖବର ବ୍ୟୁରୋ) : ଡାକ୍ତରଙ୍କ ଖାମଖିଆଲ ଚିକିତ୍ସା ପାଇଁ ଚାଲିଗଲା ଜଣେ ମହିଳାଙ୍କ ଜୀବନ । ଏମିତି ଏକ ଦୁଃଖଦ ଘଟଣା ଘଟିଛି ଭଦ୍ରକ ଜିଲ୍ଲା ଅନ୍ତର୍ଗତ କାସିଳିପୁର ଗ୍ରାମରେ । କାସିଳିପୁର ଗ୍ରାମରେ ତୁଳସୀ ସାହୁ(୪୫)ଙ୍କ ହାତ ଭାଙ୍ଗିଯାଇଥିବାରୁ ପରିବାର ଲୋକ ଡାକ୍ତର ଉମାକାନ୍ତ ଜେନାଙ୍କ ପାଖକୁ ଆଣିଥିଲେ । ଡାକ୍ତର ଦେଖିବା ପରେ ଅପରେସନ ପାଇଁ କହିଥିଲେ । ଏଥିପାଇଁ ୩୭ହଜାର ଟଙ୍କା ଖର୍ଚ୍ଚ ହେବ ବୋଲି ମଧ୍ୟ କହିଥିଲେ ଉମାକାନ୍ତ ଜେନା । ଅସ୍ତ୍ରୋପଚାର ପରେ ମହିଳା ଜଣଙ୍କ ନିଶ୍ୱାସ ନେବାରେ ଅସୁବିଧା ହୋଇଥିଲା । ତାଙ୍କୁ କଟକ ନେବା ବାଟରେ ତାଙ୍କର ମୃତ୍ୟ ଘଟିଛି । କ୍ଲିନିକ୍ ଆଗରେ ମୃତଦେହକୁ ରଖି ପରିବାର ଲୋକ କ୍ଷତି ପୂରଣ ମାଗୁଛନ୍ତି ।