ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଆସନ୍ତା ୨୭ ରୁ ଏପ୍ରିଲ ୪ ଦେଶର ସମସ୍ତ ସରକାରୀ ଓ ବେସରକାରୀ ବ୍ୟାଙ୍କ ଗୁଡ଼ିକ ବନ୍ଦ ରହିବ । ପ୍ରାୟ ୭ ଦିନ କାଳ ବନ୍ଦ ରହିବ। ବ୍ୟାଙ୍କରେ ଯଦି କୌଣସି ଜରୁରୀ କାମ ରହିଛି ତା’ହେଲେ ସେଗୁଡ଼ିକୁ ଶୀଘ୍ର ଶେଷ କରି ଦିଅନ୍ତୁ। ପ୍ରଥମେ ମାର୍ଚ୍ଚ ୨୭ ରୁ ୨୯ ତାରିଖ ଯାଏଁ ଲଗାତର ୩ ଦିନ ବ୍ୟାଙ୍କ ବନ୍ଦ ରହିବ। ୨୭ ତାରିଖ ହେଉଛି ୪ର୍ଥ ଶନିବାର। ସେହିପରି ଏହାର ପରଦିନ ରବିବାର। ତେଣୁ ବ୍ୟାଙ୍କ ବନ୍ଦ ରହିବ।
ସୋମବାର ହୋଲି ଥିବାରୁ ବ୍ୟାଙ୍କ ଗୁଡ଼ିକର ତାଲା ଫିଟିବ ନାହିଁ। ଆରବିଆଇର ବିଜ୍ଞପ୍ତି ଅନୁଯାୟୀ, ମାର୍ଚ୍ଚ ୩୦ରେ କେବଳ ପାଟନା (ବିହାର)ରେ ବ୍ୟାଙ୍କଗୁଡ଼ିକ ବନ୍ଦ ରହିବ। କାରଣ ଏଠାରେ ହୋଲି ଉତ୍ସବ ୩୦ ମାର୍ଚ୍ଚରେ ପାଳନ କରାଯିବ। ଏହିଦିନ ଦେଶର ବାକି ପ୍ରାନ୍ତରେ ବ୍ୟାଙ୍କ ସେବା ଉପଲବ୍ଧ ହେବ। ପାଟନାରେ ୨୭ ମାର୍ଚ୍ଚରୁ ୪ ଏପ୍ରିଲ ମଧ୍ୟରେ ମାତ୍ର ଦୁଇ ଦିନ ବ୍ୟାଙ୍କ ଖୋଲା ରହିବ।
