ସହର ଭିତରେ ଭାଲୁ

ନୀଳଗିରି (ବଡ଼ ଖବର ବ୍ୟୁରୋ): ଦିନକୁ ଦିନ ସହର ମୁହାଁ ହେଉଛନ୍ତି ଜଙ୍ଗଲୀ ଜନ୍ତୁ । ଖାଦ୍ୟ ଅନ୍ୱେଷଣ ହେଉକି ଅନ୍ୟାନ୍ୟ କାରଣ ପାଇଁ ହେଉ କେତେବେଳେ ହାତୀ ତ କେତେବେଳେ ବାଘ ତ ପୁଣି କେତେବେଳେ ଭାଲୁ ଆଦି ପଶିଆସୁଛନ୍ତି ସହର ମଧ୍ୟକୁ । ଏଭଳି ଘଟଣା ଦେଖିବାକୁ ମିଳିଛି ନୀଳଗିରି ଉପଜିଲ୍ଲାପାଳଙ୍କ କାର୍ଯ୍ୟାଳୟ ନିକଟରେ ।

ବୁଧବାର ରାତିରେ ନୀଳଗିରି ହସ୍ପିଟାଲ ରାସ୍ତାର ଉପଜିଲ୍ଲାପାଳଙ୍କ କାର୍ଯ୍ୟାଳୟର ଦ୍ଵିତୀୟ ଫାଟକ ନିକଟରେ ଭାଲୁଟି ବୁଲୁଥୁବା ବେଳେ କୁକୁରମାନେ ତାକୁ ଘେରିଯାଇଥିଲେ। ସେହି ସମୟରେ ରାସ୍ତା ସମ୍ମୁଖରୁ ବାଇକ ଆସିବାରୁ କୁକୁରମାନେ ଭାଲୁଟିକୁ ଛାଡ଼ିଦେଇଥିଲେ। ହଟାତ ଭାଲୁଟି ଉପଜିଲ୍ଲାପାଳଙ୍କ କାର୍ଯ୍ୟାଳୟ ଭିତରକୁ ପଶିଯାଇଥିଲା। ତେବେ ସହର ଭିତରେ ଭାଲୁ ବୁଲିବା ଲୋକଙ୍କ ଚିନ୍ତା ବଢାଇଛି।