ପାଣି ପାଇଁ ଟିଟଲାଗଡ଼ ବନ୍ଦ

ଟିଟିଲାଗଡ (ବଡ଼ ଖବର ବ୍ୟୁରୋ): ଦିନକୁ ଦିନ ପାଣି ସମସ୍ୟା ଉତ୍କଟ ହେବାରେ ଲାଗିଛି। ଖରାଦିନ ଆସିଲା କ୍ଷଣି ପାଣି ପାଇଁ ଡହଳ ବିକଳ ହେଉଛନ୍ତି ଲୋକେ । ସରକାରଙ୍କ ସୁଜଳ ଯୋଜନାରେ ସବୁଦିନ ପିଇବା ପାଣି ପାଇବା ଟିଟିଲାଗଡବାସୀଙ୍କ ପାଇଁ ଯେମିତି ସାତ ସପନ । ପିଇବା ପାଣି ମୁନ୍ଦେ ପାଇଁ ଲୋକଙ୍କୁ ସାତରୁ ଆଠ ଦିନ ଯାଏଁ ଅପେକ୍ଷା କରିବାକୁ ପଡୁଛି । ଟିଟିଲାଗଡ ସହରରେ ପାଣି ଯୋଗାଣ ସମ୍ପୂର୍ଣ୍ଣ ବିଫଳ ହୋଇଛି । ତାହାରି ପ୍ରତିବାଦରେ ଆଜି ୧୨ ଘଣ୍ଟା ଟିଟଲାଗଡ଼ ବନ୍ଦ ରହିଛି ।

ଭାରତୀୟ ଜନତା ପାର୍ଟି ଯୁବ ମୋର୍ଚ୍ଚା ତରଫରୁ ଏହି ଡାକରା ଦିଆଯାଇଥିଲା । ୧୨ ଘଣ୍ଟିଆ ବନ୍ଦକୁ ଟିଟିଲାଗଡ ସହରବାସୀଙ୍କ ପକ୍ଷରୁ ସମର୍ଥନ ଜଣାଇ ଦୋକାନ ବଜାର ବନ୍ଦ କରିଛନ୍ତି। ଏହି ସମସ୍ୟାକୁ ହୃଦୟଙ୍ଗମ କରି ଆଜି ସହରବାସୀ ମଧ୍ୟ ଅଦ୍ଭୁତ ପୂର୍ବ ସମର୍ଥନ ଜଣାଇଛନ୍ତି। ସବୁ ଦୋକାନ ବଜାର ବନ୍ଦ ରହିଛି । ପିକେଟିଂ କରି ବିଜେପି ଯୁବ ମୋର୍ଚ୍ଚା ତରଫରୁ ସହର ପରିକ୍ରମା କରିଛି।