ହେଡକ୍ୱାଟର ଛାଡି ଯାଇପରିବେନି କର୍ମଚାରୀ
ବ୍ରହ୍ମପୁର( ବଡ଼ ଖବର ବ୍ୟୁରୋ): ରାଜ୍ୟରେ ଦିନକୁ ଦିନ ବେକାବୁ ହେବାରେ ଲାଗିଛି କରୋନା । କରୋନାର ଦ୍ୱତୀୟ ଲହର ଦ୍ରୁତଗତିରେ ବ୍ୟାପିବାରେ ଲାଗିଛି । ଯାହାକୁ ଦୃଷ୍ଟିରେ ରଖି ଜିଲ୍ଲା ହେଡକ୍ୱାଟର ନଛାଡିବା ପାଇଁ ନିର୍ଦ୍ଦେଶ ଦେଇଛନ୍ତି ଗଞ୍ଜାମ ଜିଲ୍ଲାପାଳ । ଏନେଇ ଆଜି ଜିଲ୍ଲାପାଳଙ୍କ ଅଫିସ ପକ୍ଷରୁ ଟ୍ୱଇଟ କରି ସୂଚନା ଦିଆଯାଇଛି । କେବଳ ଜରୁରୀ କାମ ଥିଲେ ବିଭାଗୀୟ ଅନୁମତି ନେଇ ଛୁଟିରେ ଯିବାକୁ କର୍ମଚାରୀମାନଙ୍କୁ କୁହାଯାଇଛି ।
ଗଞ୍ଜାମ ଜିଲ୍ଲାର ସରକାରୀ କର୍ମଚାରୀଙ୍କୁ ସଦର ମହକୁମା ଛାଡିବା ମନା ହୋଇଛି
ଜରୁରୀ କାମ ଥିଲେ ବିଭାଗୀୟ ଅନୁମତି ଦରକାର
କଟକଣା ଉଲ୍ଲଂଘନ କଲେ କାର୍ଯ୍ୟାନୁଷ୍ଠାନ ନିଆଯିବ @CMO_Odisha— Collector & District Magistrate, Ganjam (@Ganjam_Admin) April 18, 2021
କରୋନାର ପ୍ରଥମ ଲହର ବେଳେ ଗଞ୍ଜାମରେ ସର୍ବାଧିକ ଆକ୍ରାନ୍ତ ଚିହ୍ନଟ ହେଇଥିଲେ । ଯାହାକୁ ମାତ ଦେବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ନୂଆ ନୂଆ ନିୟମ ସହ କଠୋର ମନୋଭାବ ପୋଷଣ କରିଥିଲା । ପରେ ଆକ୍ରାନ୍ତଙ୍କ ସଂଖ୍ୟରେ ରୋକ ଲାଗିଥିଲା । କିନ୍ତୁ ଚଳିତ ବର୍ଷ ଦ୍ୱତୀୟ ଲହରରେ ଜିଲ୍ଲାରେ ପୁଣି ଆକ୍ରାନ୍ତଙ୍କ ସଂଖ୍ୟ ବଢିବାରେ ଲାଗିଛି । ଏହାର ମୁକାବିଲା ପାଇଁ ଜିଲ୍ଲା ପ୍ରଶାସନ ପୁଣି କଠୋର ମନୋଭାବ ପୋଷଣ କରିଛି ।