ଭାରତକୁ ବିମାନ ଚଳାଚଳ ବନ୍ଦ କଲା ହଙ୍ଗକଙ୍ଗ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଭାରତକୁ ବିମାନ ଚଳାଚଳ ବନ୍ଦ କଲା ହଙ୍ଗକଙ୍ଗ । ଏପ୍ରିଲ ୨୦ରୁ ୨ ସପ୍ତାହ ପର୍ଯ୍ୟନ୍ତ ୨ ଦେଶ ମଧ୍ୟରେ ବିମାନ ଚଳାଚଳକୁ ବାତିଲ କରିଛି ହଙ୍ଗକଙ୍ଗ ପ୍ରଶାସନ । ହଙ୍ଗକଙ୍ଗରୁ ରବିବାର ଚିହ୍ନଟ ହୋଇଥିବା ୩୦ ନୂଆ ଆକ୍ରାନ୍ତଙ୍କ ମଧ୍ୟରୁ ୨୯ଟି ଦେଶ ବାହାରୁ ଆସିଥିବା କରୋନାର ନୂଆ ଷ୍ଟ୍ରେନ ଚିହ୍ନଟ ହେବା ପରେ ଏହି ନିଷ୍ପତି ନିଆଯାଇଥିବା କୁହାଯାଇଛି ।

ଏହାସହିତ କରୋନା ସଂକ୍ରମଣ ବଢୁଥିବାରୁ ଭାରତ ସହ ପାକିସ୍ତାନ ଓ ଫିଲିଫାଇନ୍ସରୁ ମଧ୍ୟ ବିମାନ ଚଳାଚଳକୁ ବାତିଲ କରିଛି ହଙ୍ଗକଙ୍ଗ । ଏହି ୩ ରାଷ୍ଟ୍ରକୁ ଅତି ବିପଦଜନକ ଦେଶ ତାଲିକାରେ ରଖି ଏଭଳି ନିଷ୍ପତି ନେଇଛି ହଙ୍ଗକଙ୍ଗ । ସୂଚନା ମୁତାବକ, ହଙ୍ଗକଙ୍କରୁ ଏବେ ସୁଦ୍ଧା ମୋଟ୍ ୧୧ ହଜାର ୬ ଶହ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ଓ ୨୦୯ ଜଣଙ୍କର ମୃତ୍ୟୁ ହୋଇଛି ।