ଅନଲାଇନ ପରୀକ୍ଷା ଦାବିରେ ଛାତ୍ରଙ୍କ ଧାରଣା

ଖୋର୍ଦ୍ଧା (ବଡ଼ ଖବର ବ୍ୟୁରୋ): ଯୁକ୍ତଦୁଇ ଅଫଲାଇନ ପରୀକ୍ଷାକୁ ବାତିଲ ଦାବିରେ ଛାତ୍ରଙ୍କ ଧାରଣା । ଅନୁଖଣ୍ଡ ଅଧୀନରେ ଥିବା ସମସ୍ତ ଜୁନିୟର କଲେଜରେ ଯୁକ୍ତଦୁଇ ପରୀକ୍ଷା ଅନଲାଇନ କରିବା ପାଇଁ ଅଥବା ବାତିଲ ଦାବିରେ ଛଅଟି କଲେଜର ଛାତ୍ର ସଂଗଠନ ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ରାସ୍ତା ଅବରୋଧ ଓ ବିକ୍ଷୋଭ । ମାଟ୍ରିକ ପରୀକ୍ଷା ବାତିଲ ଢାଞ୍ଚାରେ ନିୟମ ଲାଗୁ କରିବାକୁ ଦାବି ହୋଇଛି।

ଏହି ଆନ୍ଦୋଳନରେ ଦୀର୍ଘ ସମୟ ପର୍ଯ୍ୟନ୍ତ ୫୭ ନମ୍ବର ଜାତୀୟ ରାଜପଥ ଅବରୋଧ ଯୋଗୁଁ ଯାତାୟତ ବାଧାପ୍ରାପ୍ତ ହୋଇଥିଲା। ଘଟଣା ସ୍ଥଳରେ ଟାଉନ ଥାନା ପୋଲିସ ପହଞ୍ଚିଥିଲେ । ଛାତ୍ରମାନଙ୍କୁ ବୁଝାସୁଝା ମଧ୍ୟ କରିଥିଲେ । ଛାତ୍ରମାନେ ଆନ୍ଦୋଳନ ପ୍ରତ୍ୟାହୃତ କରିଥିଲେ ଓ ଛାତ୍ରମାନଙ୍କ ତରଫରୁ ଦୁଇଜଣ ଛାତ୍ର ଟାଉନ ଥାନା ଅଧିକାରୀଙ୍କ ଜରିଆରେ ନିଜର ଦାବିପତ୍ର ଜିଲ୍ଲାପାଳଙ୍କୁ ପ୍ରଦାନ କରିଥିଲେ ।