ସଡକ ଦୁର୍ଘଟଣା ନେଲା ଜୀବନ

ପାପଡ଼ାହାଣ୍ଡି (ବଡ଼ ଖବର ବ୍ୟୁରୋ): ସଡକ ଦୁର୍ଘଟଣାରେ ୧ ମୃତ ୯ ଆହତ । ସଡକ ଦୁର୍ଘଟଣା ନେଲା ଜୀବନ । ନବରଙ୍ଗପୁର ଜିଲ୍ଲା ପାପଡାହାଣ୍ଡି ଥାନା ଅନ୍ତର୍ଗତ ବାବାଜିଗୁଡା ନିକଟରେ ସଡକ ଦୁର୍ଘଟଣା । ଏକ ଗଛକୁ ପିଟିହେଲା ସ୍କର୍ପିଓ ଗାଡି । ଗାଡିରେ ଥିବା ୧୦ ଜଣ ଯାତ୍ରୀଙ୍କ ମଧ୍ୟରୁ ଜଣଙ୍କ ମୃତ୍ୟୁ ଘଟିଥିବାବେଳେ ଅନ୍ୟ ୯ ଯାତ୍ରୀ ଆହତ ହୋଇଥିବା ସୂଚନା ମିଳିଛି । ସେମାନଙ୍କ ମଧ୍ୟରେ ୩ ଜଣ ଅତି ଗୁରୁତର ରହିଛନ୍ତି ।

ସମସ୍ତ ଆହତଙ୍କୁ ପାପଡାହାଣ୍ଡି ମେଡିକାଲରେ ଭର୍ତ୍ତି କରାଯାଇଥିବାବେଳେ ସେମାନଙ୍କ ମଧ୍ୟରୁ ଅତି ଗୁରୁତର ତିନି ଜଣଙ୍କୁ ନବରଙ୍ଗପୁର ମେଡିକାଲକୁ ସ୍ଥାନନ୍ତର କରାଯାଇଛି । ସମସ୍ତ ଯାତ୍ରୀ ହାଇଦ୍ରାବାଦକୁ କୌଣସି କାମ ପାଇଁ ଯାଇଥିଲେ ଏବଂ ନବରଙ୍ଗପୁର ଦେଇ ଝାଡ଼ଖଣ୍ଡ ଫେରୁଥିବାବେଳେ ଆଜି ଭୋର ସମୟରେ ଏହି ଦୁର୍ଘଟଣା ଘଟିଛି । ମୃତକଙ୍କ ନାମ ଆଶିଷ କୁମାର ବୋଲି ସୂଚନା ମିଳିଛି ।