ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ବିଜୟ ଶୋଭାଯାତ୍ରାକୁ ନା । ବିଜୟ ଶୋଭାଯାତ୍ରାରେ ଲାଗିଲା କଟକଣା । କଟକଣା ଲଗାଇଲେ ନିର୍ବାଚନ କମିଶନ । ମେ’ ୨ ରେ ୫ ରାଜ୍ୟରେ ଭୋଟ ଗଣତି ହେବ । ତେବେ ଭୋଟ ଗଣତି ପରେ ବିଜୟୀ ପ୍ରାର୍ଥୀ କରିପାରିବେନି ଶୋଭାଯାତ୍ରା । କରୋନାର ଦ୍ରୁତ ସଂକ୍ରମଣ ଦୃଷ୍ଟିରେ ରଖି ନିଆଯାଇଛି ଏଭଳି ନିଷ୍ପତ୍ତି । ବିଜୟ ପ୍ରାର୍ଥୀଙ୍କ ପାଖରେ କେବଳ ଦୁଇ ଜଣ ରହିପାରିବେ ।
ରିଟର୍ଣ୍ଣିଂ ଅଫିସର ଦେବେ ସାର୍ଟିଫିକେଟ । ମେ ୨ରେ ପଶ୍ଚିମବଙ୍ଗ, ଆସାମ, ତାମିଲନାଡୁ, କେରଳ ଓ ପୁଡୁଚେରୀର ହେବ ଭୋଟ ଗଣତି । ଫଳାଫଳ ପରେ ବିଜୟୀ ପ୍ରାର୍ଥୀ ଓ ଦଳୀୟ ନେତାମାନେ ବିଜୟ ଶୋଭାଯାତ୍ରା କଲେ ,ବହୁ ସଂଖ୍ୟାରେ ସମର୍ଥକ ଓ କର୍ମୀ ଏକାଠି ହେବା ସମ୍ଭାବନା ଅଧିକ ଅଛି । ଲୋକେ ଏକାଠି ହେଲେ ସଂକ୍ରମଣ ବଢ଼ିବା ଆଶଙ୍କା ରହିଛି । ଏହାକୁ ଦୃଷ୍ଟିରେ ରଖି ନିର୍ବାଚନ କମିଶନ ଏଭଳି ନିଷ୍ପତ୍ତି ନେଇଛନ୍ତି ।
