ଓଭରଡୋଜ୍ ଆନାସ୍ତେସିଆ ଡାକ୍ତରଙ୍କ ନେଲା ଜୀବନ!
ନୂଆଦିଲ୍ଲୀ(ବଡ଼ ଖବର ବ୍ୟୁରୋ):ଆନାସ୍ତେସିଆର ଓଭରଡୋଜ୍ ନେଇ ଆତ୍ମହତ୍ୟା କଲେ ଡ଼ାକ୍ତର । ଶେଜରେ ଶୋଇଥିବା ଅବସ୍ଥାରେ ମିଳିଲା ମୃତଦେହ । ଘଟଣା ସମ୍ବନ୍ଧରେ ଜାଣିବା ପରେ ଘଟଣାସ୍ଥଳରେ ପୋଲିସ ପହଂଚି ପୁଙ୍ଖାନୁପୁଙ୍ଖ ତଦନ୍ତ ଚଳାଇଛି । ବାରଣାସୀର ରାହାନିଆ ଥାନା ଅନ୍ତର୍ଗତ ଭାଦ୍ୱାର ସ୍ଥିତ ହେରିଟେଜ ମେଡିକାଲ କଲେଜ-ହସ୍ପିଟାଲର ରୁମ୍ ନମ୍ବର ୮୦୨ରୁ ଡାକ୍ତରଙ୍କ ମୃତ ଦେହ ମିଳିଥିଲା । ସୁଚନା ଅନୁଯାଇ ଆନାସ୍ତେସିଆର ଓଭରଡୋଜ୍ ନେଇ ଆତ୍ମହତ୍ୟା କରିଛନ୍ତି । ଆତ୍ମହତ୍ୟା କରିଥିବା ଡାକ୍ତର ଜଣକ ହେଲେ ୟୁରୋଲୋଜିଷ୍ଟ ଗୌତମ ଶୁଭଙ୍କର ହୋଇଥିବା ବେଳେ ତାଙ୍କ ବୟସ ମାତ୍ର ୪୨ । ସେ ଗତ ତିନି ମାସ ଧରି ଡିପ୍ରେସନରେ ରହିଆସୁଥିବା ଜଣାପଡିଛି । କିଛିଦିନ ହେବ ତାଙ୍କ ପନ୍ତ୍ରୀଙ୍କ ସହ ପାରିବାରିକ କଳହ ଲାଗିରହିଥିଲା ।
ଶୁକ୍ରବାର ସନ୍ଧ୍ୟାରେ କାମ ଶେଷ କରି ସେ ତାଙ୍କ କୋଠରୀରେ ଆତ୍ମହତ୍ୟା କରିବା ପାଇଁ ପଦକ୍ଷେପ ନେଇଥିଲେ । ଶନିବାର ସନ୍ଧ୍ୟାରେ ତାଙ୍କ ରୁମ କବାଟ ଭାଙ୍ଗିବା ପରେ ତାଙ୍କ ମୃତଦେହ ମିଳିଥିଲା । ମୃତ ଦେହ ନିକଟରେ ଏକ ସିରିଞ୍ଜ ଏବଂ ଏକ ଖାଲି ଆନାସ୍ତେସିଆ ବୋତଲ ମଧ୍ୟ ମିଳିଛି । ପୋଲିସର କହିବା ଅନୁସାରେ, ଡାକ୍ତର ଜଣଙ୍କୁ ବାରମ୍ବାର ଫୋନ୍ କରିଥିଲେ ମଧ୍ୟ ଉତ୍ତର ଦେଇନଥିଲେ । ସାଥୀ ଡାକ୍ତରମାନେ ତାଙ୍କ ରୁମ୍ କୁ ଯାଇ ସାକ୍ଷାତ କରିବାକୁ ଚାହିଁଥିଲେ । ହେଲେ ରୁମ୍ ଭିତରରୁ ବନ୍ଦ ଥିଲା । ତାଙ୍କ ମୋବାଇଲ୍ ଫୋନ୍ ବନ୍ଦ ଥିଲା। ପୋଲିସ ଯେତେବେଳେ ଭିତରକୁ ପଶିଲା, ସେତେବେଳେ ସେମାନେ ଡାକ୍ତରଙ୍କ ମୃତଦେହ ବିଛଣାରେ ପଡିରହିଥିବା ଦେଖିବା ପାଇଥିଲେ । ମାମଲାର ପ୍ରତ୍ୟେକ ଦିଗକୁ ନେଇ ତଦନ୍ତ ଜାରୀ ରହିଛି । ମୋବାଇଲ୍ ଫୋନକୁ ଜବତ କରି ଫରେନସିକ୍ ଯାଞ୍ଚ ମଧ୍ୟ କରାଯାଉଛି।