ଥାନା ଭିତରେ ଯୁବକଙ୍କ ଆତ୍ମହତ୍ୟା

ଗଞ୍ଜାମ (ବଡ଼ ଖବର ବ୍ୟୁରୋ): ଥାନା ଭିତରେ ଯୁବକଙ୍କ ଆତ୍ମହତ୍ୟା । ଏଭଳି ଘଟଣା ଘଟିଛି ଗଞ୍ଜାମ ଜିଲ୍ଲା ଗୋଲନ୍ଥରା ଥାନାରେ । ସୋମବାର ସନ୍ଧ୍ୟାରେ ଗଞ୍ଜାମ ଜିଲ୍ଲା ଗୋଲାନ୍ଥରା ଥାନାରେ ଏକ ଘରୋଇ ମାମଲାରେ ଥାନାକୁ ଆସିଥିବା ରଙ୍ଗିପୁର ଗ୍ରାମର ଗଣେଶ ବେହେରା ମହିଳା ଓ ଶିଶୁ ଡେସ୍କ ଭିତରେ ନିଜେ ପିନ୍ଧିଥିବା ବେଲଟକୁ ବେକରେ ଲଗାଇ ଆତ୍ମହତ୍ୟା କରିଥିବା ଅଭିଯୋଗ କରିଛି ପୋଲିସ ।

ପୋଲିସ ଗଣେଶ କୁ ବ୍ରହ୍ମପୁର ବଡ଼ ଡାକ୍ତରଖାନାକୁ ଆଣିବା ପରେ ଡାକ୍ତର ମୃତ୍ୟୁ ଘୋଷଣା କରିଥିଲେ। ଏହି ଘଟଣା ପରେ ଥାନା ଭିତରେ ଜଣେ କିଭଳି ଆତ୍ମହତ୍ୟା କରିପାରିଲା ତାହାକୁ ନେଇ ସନ୍ଦେହ ପ୍ରକାଶ ପାଉଛି। ଏହାର ତଦନ୍ତ କରିବା ଆବଶ୍ୟକତା ରହିଛି ବୋଲି ପରିବାର ପକ୍ଷରୁ ଦାବି କରାଯାଇଛି।