ମାଲି(ବଡ଼ ଖବର ବ୍ୟୁରୋ): ଗୋଟିଏ କିମ୍ବା ଦୁଇଟି ନୁହଁ ଏକାଥରେ୯ଟି ନବଜାତ ଶିଶୁଙ୍କୁ ଜନ୍ମ ଦେଇଛନ୍ତି ମହିଳା । ସାଧାରଣତଃ ଦୁଇଟି ଶିଶୁଙ୍କୁ ଜନ୍ମ ଦେବା ଘଟଣା ଦେଖିବାକୁ ମିଳିଛି । କିନ୍ତୁ ଏକାଥରେ ୯ଟି ଶିଶୁଙ୍କୁ ଜନ୍ମ କରିବା ଭଳି ବିରଳ ଘଟଣା ଘଟିଛି ପଶ୍ଚିମ ଆଫ୍ରିକାର ମାଲି ଅଞ୍ଚଳରେ । ୨୫ବର୍ଷୀୟା ମହିଳା ଜଣକ ହେଲେ ହାଲିମା ସିସେ । ସେ ଗର୍ଭବତୀ ଥିବା ସମୟରେ ତାଙ୍କ ଗର୍ଭରେ ୭ଟି ଶିଶୁ ଥିବା ନେଇ ଅଲଟ୍ରାସାଉଣ୍ଡ ରିପୋର୍ଟରୁ ଜଣା ପଡ଼ିଥିଲା । କିନ୍ତୁ ପ୍ରସବ ସମୟରେ ୯ଟି ଶିଶୁଙ୍କ ଜନ୍ମ, ଡାକ୍ତର ମାନଙ୍କୁ ବି ଚକିତ କରି ଦେଇଥିଲା ।
ନବଜାତକ ଶିଶୁଙ୍କ ମଧ୍ୟରେ ୫ଟି ଶିଶୁ କନ୍ୟା ଓ ୪ଟି ଶିଶୁ ପୁତ୍ର ରହିଛନ୍ତି । ସମସ୍ତଙ୍କ ସ୍ୱାସ୍ଥାବସ୍ଥା ସୁସ୍ଥ ଥିବା ଜଣାପଡ଼ିଛି । ଏହି ବିରଳ ପ୍ରସବ କଥା ଜଣା ପଡ଼ିବା ପରେ ହସ୍ପିଟାଲ କର୍ତ୍ତୁପକ୍ଷ ଓ ମାଲିର ସରକାର ମଧ୍ୟ ହାଲିମାଙ୍କ ସ୍ୱାସ୍ଥ୍ୟାବସ୍ଥା ପାଇଁ ଚିନ୍ତିତ ଥିଲେ । ଏବଂ ସରକାରଙ୍କ ତରଫରୁ ତାଙ୍କୁ ଉତ୍ତମ ଚିକିତ୍ସା ଯୋଗାଇ ଦିଆଯାଇଥିଲା । ପ୍ରସବ ପରେ ମାଲିର ସ୍ୱାସ୍ଥ୍ୟମନ୍ତରୀଙ୍କ ସମେତ ବହୁ ବଡ଼ ବଡ଼ ନେତା ତାଙ୍କୁ ଶୁଭେଚ୍ଛା ଜଣାଇଛନ୍ତି ।
