ବରୀ(ବଡ଼ ଖବର ବ୍ୟୁରୋ): ବାତ୍ୟା ‘ୟାଶ’ର ପ୍ରଭାବରେ ବରୀ ଅଞ୍ଚଳରେ ସକାଳୁ ବର୍ଷା ଲାଗି ରହିଛି । ପବନ ମଧ୍ୟ ଆରମ୍ଭ ହୋଇଛି । ଧୀରେ ଧୀରେ ପବନ ର ବେଗ ବଢୁଥିବା ଅନୁଭବ ହେଉଛି। କିଛି ସ୍ଥାନରେ ଗଛ ପଡ଼ି ବିଦ୍ୟୁତ୍ ଖୁଣ୍ଟ ମଧ୍ୟ ଉପୁଡ଼ି ପଡ଼ିଥିବା ଦେଖିବାକୁ ମିଳିଛି। ବାତ୍ୟା ଆଶ୍ରୟ ସ୍ଥଳକୁ ବରୀ ବରୀ ପ୍ରଶାସନ ଧୀରେ ଧୀରେ ଲୋକ ମାନଙ୍କୁ ସ୍ଥାନାନ୍ତର କରିବା ଆରମ୍ଭ କରିଛି।
ବରୀ ବ୍ଲକ ରତ୍ନଗିରି ପଞ୍ଚାୟତ ପଟଣା ଗ୍ରାମର ଆଲୋକ ଜେନାଙ୍କ ପରିବାର ଗତ ବନ୍ୟାରୁ ବାସହରା ହୋଇ ପାଲ ତଳେ ରହୁଥିବା ବଡ଼ ଖବର ଖବର ପ୍ରସାରଣ କରିଥିଲା ବାତ୍ୟାକୁ ଆଖି ଆଗରେ ରଖି ବ୍ଲକ ପ୍ରଶାସନ ଆଲୋକଙ୍କ ପରିବାରକୁ ସ୍ଥାନୀୟ ବିଦ୍ୟାଳୟକୁ ନେଇ ଆଶ୍ରୟ ଦେଇଛି। ସେପଟେ ବାତ୍ୟା କୁ ମୁକାବିଲା କରିବାକୁ ୩୦ ଜଣିଆ ଓଡ୍ରାଫ୍ ଟିମ୍ ବରୀ ବ୍ଲକରେ ପହଞ୍ଚିଥିବା ବିଡ଼ିଓ ସୂଚନା ଦେଇଛନ୍ତି।
