ଦୁର୍ବଳ ହୋଇ ଅବପାତରେ ପରିଣତ ହେଲା ‘ୟାଶ୍’
ଭୁବନେଶ୍ୱର(ବଡ଼ ଖବର ବ୍ୟୁରୋ): ଦୁର୍ବଳ ହୋଇ ଅବପାତରେ ପରିଣତ ହୋଇଛି ବାତ୍ୟା ୟାଶ । ବୁଧବାର ବାଲେଶ୍ୱରରୁ ମୟୁରଭଞ୍ଜ ଦେଇ ଝାଡଖଣ୍ଡ ମୁହାଁ ହୋଇଛି ବାତ୍ୟା । ତେବେ ଏହା ପ୍ରଭାବରେ ଆଜି ସୁନ୍ଦଗଡ଼ ଓ ଦେଓଗଡ଼ ଜିଲ୍ଲାରେ ବର୍ଷା ହେବା ସମ୍ଭାବନା ରହିଛି । ଓଡ଼ିଶାରେ କ୍ଷୟକ୍ଷତି ହୋଇଥିଲେ ସୁଦ୍ଧା ଓଡିଶା ଏକ ବଡ଼ ବିପଦରୁ ଟଳି ଯାଇଥିବା କୁହାଯାଇଛି । ବାତ୍ୟାର ପ୍ରଭାବରେ ଧନଜୀବନ ହାନିର ଯେତେ ବଡ଼ ଆଶଙ୍କା କରାଯାଉଥିଲା, ସେତେ ବଡ଼ ଧରଣର କ୍ଷୟକ୍ଷତି ହୋଇନାହିଁ ।
ବାତ୍ୟା ପୂର୍ବରୁ ପ୍ରଶାସନର ସତର୍କତା ଏବଂ ଜନସାଧାରଣଙ୍କ ସଚେତନତା ପାଇଁ ୟାଶ ଭଳି ଏକ ବଡ଼ ବିପର୍ଯ୍ୟୟର ମୁକାବିଲା କରିବାରେ ସହାୟକ ହୋଇଛି । ଜଗତସିଂହପୁର, କେନ୍ଦ୍ରାପଡା, ଯାଜପୁରରେ ବିଶେଷ କ୍ଷୟକ୍ଷତି ହୋଇନଥିବା ବେଳେ କିଛି ସ୍ଥାନରେ ଗଛ ଉପୁଡି ପଡିଛି । ଭଦ୍ରକ ଓ ବାଲେଶ୍ୱରରେ ୟାଶ ପ୍ରଭାବ ବେଶି ଅନୁଭତ ହୋଇଥିବା ବେଳେ ପବନ କମିଥିବାରୁ ପୁନରୁଦ୍ଧାର କାମ ଆରମ୍ଭ ହୋଇଛି ।