ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଜୁନ ୨୪ରେ ଜମ୍ମୁ ଓ କାଶ୍ମୀରର ରାଜନୈତିକ ଦଳର ନେତାଙ୍କ ସହ ପ୍ରଧାନମନ୍ତ୍ରୀ ଏକ ବୈଠକ ଆୟୋଜନ କରିଛନ୍ତି । ତେବେ ଏଥିରେ ପିଡିପି ମୁଖ୍ୟ ତଥା ଜମ୍ମୁ ଓ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ମେହବୁବା ମୁଫତି ଯୋଗ ଦେଇ ନପାନ୍ତି ବୋଲି ବିଶେଷସୂତ୍ରରୁ ସୂଚନା ମିଳିଛି । ଦିଲ୍ଲୀରେ ଆଗାମୀ ଗୁରୁବାର ଦିନ ହେବାକୁ ଥିବା ଏହି ବୈଠକରେ ଯୋଗ ଦେବା ପାଇଁ କେନ୍ଦ୍ର ସରକାରଙ୍କଠାରୁ ଫୋନ କଲ ଆସିଥିବା କଥା ମେହବୁବା ଜଣାଇଥିଲେ । ତେବେ ଦଳର ସହକର୍ମୀଙ୍କ ସହ ଆଲୋଚନା କରିବା ପରେ କେନ୍ଦ୍ର ସରକାରଙ୍କ ବୈଠକରେ ଯୋଗ ଦେବେ କି, ନାହିଁ ମେହବୁବା ମୁଫ୍ତି ନିଷ୍ପତ୍ତି ନେବେ।
ଜମ୍ମୁ ଓ କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ‘ନ୍ୟାସନାଲ କନଫରେନ୍ସ’ ମୁଖ୍ୟଙ୍କୁ ମୁଫତି ପ୍ରଧାନମନ୍ତ୍ରୀ ମୋଦୀଙ୍କ ବୈଠକରେ ଯୋଗ ଦେବାକୁ ପ୍ରତିନିଧି ଭାବେ ପଠାଇ ପାରନ୍ତି ବୋଲି ଉପରୋକ୍ତ ସୂତ୍ର ଅନୁମାନ କରିଛି। ପୂର୍ବତନ ରାଜ୍ୟ ଜମ୍ମୁ ଓ କଶ୍ମୀରର ଶେଷ ମୁଖ୍ୟମନ୍ତ୍ରୀ ଥିଲେ ‘ପିଡିପି’ ମୁଖ୍ୟ ମେହବୁବା ମୁଫ୍ତି। ୨୦୧୬-୨୦୧୮ ପର୍ୟ୍ୟନ୍ତ ସେ ‘ବିଜେପି’ ସହ ମେଣ୍ଟ କରି ସରକାର ଚଳାଇଥିଲେ। ତେଣୁ, ଏହି ବୈଠକରେ ଯୋଗ ଦେବେ କି, ନାହିଁ ‘ପିଡିପି’ ସ୍ଥିର କରିବ ବୋଲି ସେ କହିଛନ୍ତି।
