ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ନିର୍ବାଚନ ଷ୍ଟ୍ରାଟେଜିଷ୍ଟ ପ୍ରଶାନ୍ତ କିଶୋର ଆଜି ଏକ ଗୁଗଲୀ ମାରିଛନ୍ତି । ବିଶେଷକରି ଦେଶରେ ଏବେ ବିଜେପି ବିରୋଧରେ ୩ୟ ସାମ୍ମୁଖ୍ୟ ଗଠନ ପାଇଁ ପ୍ରସ୍ତୁତି ଚାଲିଥିବା ନେଇ ହେଉଥିବା ଚର୍ଚ୍ଚା ଉପରେ ସେ ନିଜ ଆଭିମୁଖ୍ୟ ସ୍ପଷ୍ଟ କରିଛନ୍ତି, ଯାହାକି ବିଜେପିକୁ ସୁହାଇବା ଭଳି ହୋଇଥିବା ବେଳେ ତୃତୀୟ ସାମ୍ମୁଖ୍ୟ ଗଠନ ପାଇଁ ଅଣ୍ଟା ଭିଡୁଥିବା ଅଣ କଂଗ୍ରେସ ତଥା ଅଣ ବିଜେପି ସମର୍ଥିତ ଦଳଙ୍କ ପାଇଁ ନୈରାଶ୍ୟଜନକ ହୋଇଛି ।
ପ୍ରଶାନ୍ତ କହିଛନ୍ତି, ଦେଶରେ ସାମ୍ପ୍ରତି ରାଜନୈତିକ ଦୃଷ୍ଟିକୋଣରୁ ବିଜେପିକୁ ପରାଜିତ କରିବା ବେଶ କଷ୍ଟକର ହେବ । ବିଜେପି ପାଖରେ ତୃତୀୟ ସାମ୍ମୁଖ୍ୟ ସଫଳ ହୋଇପାରିବ ନାହିଁ । ଏଥିପାଇଁ ସେ ୩ୟ ସାମ୍ମୁଖ୍ୟ ଗଠନ ପ୍ରକ୍ରିୟାରୁ ନିଜକୁ ଦୂରେଇ ନେଇଛନ୍ତି । ପ୍ରକାଶ ନିକଟରେ ଏନସିପି ସୁପ୍ରିମୋ ଶରଦ ପାୱାର,ପ୍ରଶାନ୍ତ କିଶୋରଙ୍କ ସହ ଦୁଇ ଦୁଇ ଥର ବୈଠକ କରିଥିଲେ ।
