ସୁନାରେ ତିଆରି ମାସ୍କ

କାନପୁର (ବଡ଼ ଖବର ବ୍ୟୁରୋ) : କରୋନା କାଳରେ କନାରେ ତିଆରି ମାକ୍ସ ସମସ୍ତେ ବ୍ୟବହାର କରନ୍ତି । ସୁନାରେ ତିଆରି ମାକ୍ସ ପୁଣି ଏହାକୁ ବ୍ୟବହାର କଥା କେବେ ଶୁଣିଛନ୍ତି କି? ଏ ହେଉଛନ୍ତି କାନପୁରର ଜଣେ ବାବା । ଗୋଲଡେନ୍ ବାବା । କରୋନାରୁ ରକ୍ଷା ପାଇବା ପାଇଁ ପିନ୍ଧିଛନ୍ତି ୫ ଲକ୍ଷ ଟଙ୍କାର ସୁନାରେ ତିଆରି ମାକ୍ସ । ଗୋଲଡେନ୍ ବାବାଙ୍କ ଏହି ସୁନା ମାକ୍ସର ଓଜନ ୧୦୧ ଗ୍ରାମ ୫ ମିଲିଗ୍ରାମ୍ । କରୋନାରୁ ରକ୍ଷା ପାଇବା ପାଇଁ ବାବା ଏହି ସୁନାମାକ୍ସ ପିନ୍ଧିଛନ୍ତି ।

ବାବା କାନପୁରର କାକଦେବ ଅଞ୍ଚଳର ବାସିନ୍ଦା। ତାଙ୍କର ପ୍ରକୃତ ନାମ ମନୋଜ ସେଙ୍ଗର । ତାଙ୍କର ଛଦ୍ମନାମ ମନୋଜାନନ୍ଦ ମହାରାଜ । ସ୍ଥାନୀୟ ଲୋକମାନେ ତାଙ୍କୁ ଗୁଗୁଲ୍ ଗୋଲେଡନ୍ ବାବା ବୋଲି ମଧ୍ୟ ଜାଣନ୍ତି । ବାବା ଦାବି କରିଛନ୍ତି, ସେ ପିନ୍ଧୁଥିବା ସୁନାମାକ୍ସ ଟ୍ରିପଲ୍ ଲେୟାର। ଏହା ତାଙ୍କୁ କରୋନା ଭୂତାଣୁରୁ ରକ୍ଷା କରୁଛି । ବାବା ମଧ୍ୟ ଏହି ମାକ୍ସର ସ୍ୱତନ୍ତ୍ର ନାମ ରଖିଛନ୍ତି । ଶିବ ଗୋଲଡେନ୍ ରକ୍ଷକ କରୋନା ମାକ୍ସ । ବାବା ପୁଣି କହିଛନ୍ତି ଏହି ମାକ୍ସ ତାଙ୍କୁ ତିନିବର୍ଷ ପର୍ୟ୍ୟନ୍ତ କରୋନା ଭୂତାଣୁରୁ ରକ୍ଷା କରିବ । ଏହି ମାକ୍ସ ପିନ୍ଧିବା ପୂର୍ବରୁ ବାବା ଟିକାର ଦୁଇଡୋଜ୍ ନେଇସାରିଥିଲେ । ପୂଜାପାଠ କରି ଗ୍ରହ ନକ୍ଷେତ୍ର ଦେଖି ବାବା ସୁନାମାକ୍ସ ବ୍ୟବହାର କରିଛନ୍ତି । ବାବା ମନୋଜ ସୁନା ପିନ୍ଧିବାକୁ ବହୁତ ଭଲ ପାଆନ୍ତି । ସେ ବେକରେ ୨ କିଲୋଗ୍ରାମ ଓଜନର ସୁନା ପିନ୍ଧିଛନ୍ତି ।