ଜାତୀୟ ଡାକ୍ତର ଦିବସରେ ପ୍ରଧାନମନ୍ତ୍ରୀ କରିବେ ସମ୍ବୋଧନ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ) : ଆଜି ଜାତୀୟ ଡାକ୍ତର ଦିବସ । ସ୍ବାସ୍ଥ୍ୟ କ୍ଷେତ୍ର ପ୍ରତି ଡାକ୍ତରଙ୍କ ଅବଦାନକୁ ସଲାମ କରି ପ୍ରତିବର୍ଷ ଜୁଲାଇ ୧ ତାରିଖକୁ ଡାକ୍ତର ଦିବସ ଭାବରେ ପାଳନ କରାଯାଏ । ଦେଶର ସମସ୍ତ ଡାକ୍ତରଙ୍କୁ ସମ୍ବୋଧିତ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏନେଇ ଟ୍ବିଟ କରି ସୂଚନା ଦେଇଛନ୍ତି ମୋଦି । ଇଣ୍ଡିଆନ ମେଡିକାଲ ଆସୋସିଏସନ୍ସ ପକ୍ଷରୁ ଏକ କାର୍ଯ୍ୟକ୍ରମରେ ଯୋଗ ଦେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

ଦିନ ୩ଟାରେ ଇଣ୍ଡିଆନ୍ ଆସୋସିଏସନ୍ସ ପକ୍ଷରୁ ଏହି କାର୍ଯ୍ୟକ୍ରମ ଆୟୋଜିତ ହେବ । କୋଭିଡ଼ ଭଳି ବିଶ୍ୱ ମହାମାରୀ ସମୟରେ ଡାକ୍ତରଙ୍କ ନିରନ୍ତର ପ୍ରୟାସ ଯୋଗୁଁ ଅନେକ ମୂଲ୍ୟବାନ ଜୀବନ ରକ୍ଷା ହୋଇପାରୁଛି । ଦେଶବାସୀଙ୍କୁ ଏଭଳି ବିପତିରୁ ରକ୍ଷା କରିବାକୁ ଯାଇ କରୋନାରେ ପ୍ରାଣ ହରାଇଛନ୍ତି ହଜାରରୁ ଅଧିକ ଡ଼ାକ୍ତର ଓ ସ୍ୱାସ୍ଥ୍ୟକର୍ମି । ତେଣୁ ଡ଼ାକ୍ତର ଦିବସ ଅବସରରେ ଡ଼ାକ୍ତର ମାନଙ୍କର ସେବା ମନୋଭାବ ପାଇଁ ସାରା ଦେଶରୁ ଶୁଭେଚ୍ଛାର ବାର୍ତ୍ତା ପହଞ୍ଚୁଛି । ତେଣୁ ଜାତୀୟ ଡାକ୍ତର ଦିବସ ଅବସରରେ ମୋଦୀ କିଛି ବିଶେଷ ଘୋଷଣା କରିବାର ସମ୍ଭାବନା ରହିଛି ।