ଚିନ୍ତା ବଢାଉଛି ମୃତ୍ୟୁ ସଂଖ୍ୟା

ଭୁବନେଶ୍ୱର (ବଡ଼ ଖବର ବ୍ୟୁରୋ) : ରାଜ୍ୟରେ କମୁଛୁ ସଂକ୍ରମିତଙ୍କ ସଂଖ୍ୟା । ବଢୁଛି ଟେଷ୍ଟିଂ ସଂଖ୍ୟା । ୨୪ଘଣ୍ଟାରେ ୩ହଜାର ୮୭ ନୂଆ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୪୫ଜଣଙ୍କ ମୃତ୍ୟୁ ହୋଇଛି । ୭୪ହଜାର ନମୁନା ପରୀକ୍ଷା ହୋଇଛି । ପଜିଟିଭିଟି ହାର ରହିଛି ୪ ଦଶମିକ ୧୭ପ୍ରତିଶତ ।

ଖୋର୍ଦ୍ଧାରୁ ସର୍ବାଧିକ ୫୮୪ ଆକ୍ରାନ୍ତ ଚିହ୍ନଟ ହୋଇଥିବା ବେଳେ କଟକରୁ ୪୬୨, ଯାଜପୁରରୁ ୨୦୫, ବାଲେଶ୍ୱରରୁ ୨୪୬, ପୁରୀରୁ ୧୮୯ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ନୟାଗଡ଼ରୁ ୧୧୦, ମୟୂରଭଞ୍ଜରୁ ୧୫୪, ଭଦ୍ରକରୁ ୧୪୫ ଆକ୍ରାନ୍ତ ଚିହ୍ନଟ ହୋଇଛନ୍ତି । ଆଜିର ଆକ୍ରାନ୍ତଙ୍କୁ ମିଶାଇ ରାଜ୍ୟରେ ୯ଲକ୍ଷ ୧୨ହଜାର ୮୮୭ଆକ୍ରାନ୍ତ ଚିହ୍ନଟ ହେଇଛନ୍ତି । ଏମାନଙ୍କ ଭିତରୁ ୮ଲକ୍ଷ ୭୭ ହଜାର ୫୪୦ ଜଣ ସୁସ୍ଥ ହୋଇଛନ୍ତି । ଏବେ ରାଜ୍ୟରେ ୩୧ ହଜାର ୨୩୧ ଜଣ ସକ୍ରିୟ ସଂକ୍ରମିତ ଅଛନ୍ତି । ମୋଟ ମୃତ୍ୟୁ ସଂଖ୍ୟା ୪ହଜାର ୬୭କୁ ବୃଦ୍ଧି ପାଇଛି ।