୨୪ ଘଣ୍ଟାରେ ୨ ହଜାର ୮୭୦ ନୂଆ ଆକ୍ରାନ୍ତ ଚିହ୍ନଟ

ଭୁବନେଶ୍ୱର(ବଡ଼ ଖବର ବ୍ୟୁରୋ): ରାଜ୍ୟରେ ୨୪ ଘଣ୍ଟାରେ ୨ ହଜାର ୮୭୦ ନୂଆ ଆକ୍ରାନ୍ତ ଚିହ୍ନଟ ହୋଇଛି । ୪୨ ଜଣଙ୍କ ମୃତ ହୋଇଛି । ଖୋର୍ଦ୍ଧାକୁ ଟପିଛି କଟକ । ଖୋର୍ଦ୍ଧାରେ ୩୮୪ଟି ନୂଆ ମାମଲା ସାମ୍ନାକୁ ଆସିଥିବା ବେଳେ କଟକରେ ଆକ୍ରାନ୍ତଙ୍କ ସଂଖ୍ୟା ରହିଛି ୪୪୦ ।

ଗତ ୨୪ ଘଣ୍ଟାରେ ରାଜ୍ୟରେ ୭୧ ହଜାର ୧୨୨ ନମୂନା ପରୀକ୍ଷା ହୋଇଛି । ସଂକ୍ରମଣ ହାର ୪ ଦଶମିକ ୩ ପ୍ରତିଶତ ରହିଛି । ସାରା ରାଜ୍ୟରୁ ମୋଟ ୯ ଲକ୍ଷ ୨୧ ହଜାର ୮୯୬ ମହାମାରୀ ଦ୍ୱାରା ଆକ୍ରାନ୍ତ ହୋଇଛନ୍ତି । ସେମାନଙ୍କ ମଧ୍ୟରୁ ୮ ଲକ୍ଷ ୮୭ ହଜାର ୪୨୦ ଜଣ ସୁସ୍ଥ ହୋଇ ହୋଇଛନ୍ତି । ୪ହଜାର ୧୯୬ ଜଣଙ୍କ ଜୀବନ ନେଇଛି ଏହି ଅଦୃଶ୍ୟ ଭୂତାଣୁ । ଏବେ ବି ୩୦ ହଜାର ୨୨୭ ଜଣ କରୋନା ଦ୍ୱାରା ସଂକ୍ରମିତ ହୋଇ ଚିକିତ୍ସିତ ହେଉଛନ୍ତିା କରୋନା ସ୍ଥିତି ଅନୁଧ୍ୟାନ ପାଇଁ ସୋମବାର ଓଡ଼ିଶା ଆସିବେ କେନ୍ଦ୍ରୀୟ ଟିମ।