ଜାଣନ୍ତୁ କେବେ ପ୍ରକାଶ ପାଇବ ସିବିଏସସି ଦଶମ ଓ ଦ୍ଵାଦଶ ପରୀକ୍ଷା ଫଳ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ମଙ୍ଗଳବାର ପ୍ରକାଶ ପାଇପାରେ କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସସି) ଦଶମ ବୋର୍ଡ ପରୀକ୍ଷାଫଳ । ପୂର୍ବ ପ୍ରଦର୍ଶନ ଆଧାରରେ ପ୍ରକାଶ ପାଇପାରେ ରେଜଲ୍ଟ । କୋରୋନା ସଂକ୍ରମଣ ପାଇଁ ଚଳିତ ଥର ସିବିଏସଇ ଦଶମ ପରୀକ୍ଷା ବାତିଲ ହୋଇଥିଲା ।

ଜୁଲାଇ ୩୧ ସୁଦ୍ଧା ସିବିଏସଇ ଦ୍ବାଦଶ ରେଜଲ୍ଟ ବାହାରିବା ନେଇ ସମ୍ଭାବନା ରହିଛି । ରେଜଲ୍ଟ ନେଇ କୌଣସି ନିର୍ଦ୍ଧିଷ୍ଟ ତାରିଖ ଘୋଷଣା ହୋଇନାହିଁ । ତେବେ ଜୁଲାଇ ୨୯ରେ ରେଜଲ୍ଟ ବାହାରିବା ନେଇ ଚର୍ଚ୍ଚା ହେଉଛି । ସିବିଏସଇର ଅଫିସିଆଲ ୱେବସାଇଟରେ ଛାତ୍ରଛାତ୍ରୀମାନେ ଦେଖିପାରିବେ ନିଜ ନିଜର ପରୀକ୍ଷା ଫଳ । ସିବିଏସଇ ୱେବସାଇଟ cbse.nic.inରେ ରେଜଲ୍ଟ ଦେଖିପାରିବେ ଛାତ୍ରଛାତ୍ରୀ ।