ରାୟଗଡ଼ା(ବଡ଼ ଖବର ବ୍ୟୁରୋ): କାର୍ଯ୍ୟାଳୟରେ ପଶି ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀଙ୍କ ଉପରେ ବିଜେଡ଼ି କର୍ମୀଙ୍କ ମରଣାନ୍ତକ ଆକ୍ରମଣ । ରାୟଗଡ଼ା ଜିଲ୍ଲା କାଶୀପୁର ବ୍ଲକରେ ଘଟିଛି ଏପରି ଘଟଣା । ଗତକାଲି ଅପରାହ୍ନରେ ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ବଳରାମ ପାତ୍ର ନିଜ କାର୍ଯ୍ୟାଳୟରେ ଥିବା ସମୟରେ ହଠାତ ବିଜେଡି କର୍ମୀମାନେ ରାଜ୍ୟ ସମ୍ପାଦକ ଜଗଦୀଶ ପାତ୍ର ବ୍ଲକ କାର୍ଯ୍ୟାଳୟ ପରିସରକୁ ଯାଇଥିଲେ । ସେଠାରେ ବ୍ଲକର ରାଉତ ଘାଟି, ସିମିଳିପଡ଼ା ଠାରେ ହେଉଥିବା ଚେକଡ୍ୟାମର ବିଲ ସମ୍ପର୍କରେ ବିଡିଓଙ୍କ ସହ ଆଲୋଚନା କରିଥିଲେ ।
ସେହି ସମୟରେ ବ୍ଲକ ଅଧ୍ୟକ୍ଷ ସହକର୍ମୀ ଏବଂ ଏବିଡିଓ ବଳରାମ ପାତ୍ର ନିଜେ ସେଠାରେ ଉପସ୍ଥିତ ଥିଲେ। ହଠାତ ଜଗଦୀଶ ପାତ୍ର ଏବଂ ଅନ୍ୟମାନେ ପାଟି କରିବା ସହ ବଳରାମ ପାତ୍ରଙ୍କୁ ମାଡ ମାରି ଥିଲେ। ଚାପୁଡ଼ା ମାରିବା ସହ ଅଶ୍ଲିଳ ଏବଂ ଅସଭ୍ୟ ଭାଷାରେ ଗାଳିଗୁଲଜ କରିଥିଲେ । ତେବେ ପ୍ରାଣ ଭଳୟରେ ଏବିଡିଓ କାର୍ଯ୍ୟାଳୟ ଛାଡ଼ ଦୌଡ଼ିଥିଲେ ତାଙ୍କୁ ମାରିବାକୁ ପଛରୁ ମଧ୍ୟ ଗୋଡ଼ାଇଥିଲେ । ତେବେ ବଳରାମ ନିଜକୁ ଏକ ପ୍ରକୋଷ୍ଠ ଭିତରକୁ ଯାଇ ଭିତରପଟୁ ବନ୍ଦ କରିଦେଇଥିଲେ। ପ୍ରାଣ ବିକଳରେ ଦୌଡ଼ିବା ସମୟରେ ଗାଳିଗୁଲଜ କରି ମାରିବା ପାଇଁ ପଛରେ ଗୋଡାଇଥିଲେ । ବନ୍ଦଥିବା କବାଟକୁ ଭାଙ୍ଗିବା ପାଇଁ ମଧ୍ୟ ଉଦ୍ୟମ କରିଥିବା ନିଜ ଏତଲାରେ ଲେଖିଛନ୍ତି ଗୋଷ୍ଠୀ ଉନ୍ନୟନ ଅଦିକାରୀ ।
