ଭୁବନେଶ୍ୱର(ବଡ଼ ଖବର ବ୍ୟୁରୋ): ପାଣିପାଗ ବିଭାଗର ଆକଳନ ଅନୁସାରେ,ଏଥର ମୌସୁମୀ ଠିକ ସମୟରେ ଆସିବ ବୋଲି ସୂଚନା ମିଳିଥିଲା । ତା ସହ ଭଲ ବର୍ଷାର ସମ୍ଭାବନା ମଧ୍ୟ ରହିଥିଲା । । କିନ୍ତୁ ଏବେ ଦେଖାଦେଉଛି ନିଅଣ୍ଟିଆ ବର୍ଷା । ନିଅଣ୍ଟିଆ ବର୍ଷାକୁ ନେଇ ଚାଷୀ ଏବେ ଚିନ୍ତାରେ । ଜୁନରୁ ଏବେ ସୁଦ୍ଧା ରାଜ୍ୟରେ ୩୦ ପ୍ରତିଶତ କମ ବର୍ଷା ରେକର୍ଡ କରାଯାଇଛି । ରାଜ୍ୟର ୨୨ଟି ଜିଲ୍ଲାରେ ସ୍ବଳ୍ପବୃଷ୍ଟି ।
ଅଗଷ୍ଟ ମାସରେ ସ୍ଥିତି ଆହୁରି ଗମ୍ଭୀର । ରାଜ୍ୟର ୨୧ଜିଲ୍ଲାରେ ୬୦ ରୁ ୯୦ପ୍ରତିଶତ କମ ବର୍ଷା ହୋଇଛି । ଜୁନ ପହିଲାରୁ ବର୍ତ୍ତମାନ ସୁଦ୍ଧା ରାଜ୍ୟରେ ୩୦ ପ୍ରତିଶତ କମ ବର୍ଷା ହୋଇଛି । ୨୨ ଟି ଜିଲ୍ଲାରେ ନିଅଣ୍ଟିଆ ବର୍ଷା ହୋଇଛି । ଜୁନ ଜୁଲାଇରେ ସ୍ବାଭାବିକ ବର୍ଷା ହୋଇଥିଲା । ତେବେ ୧ ଅଗଷ୍ଟରୁ ୧୩ ଅଗଷ୍ଟ ଭିତରେ ରାଜ୍ୟରେ ହାରାହାରି ୫୨ ପ୍ରତିଶତ କମ ବର୍ଷା ରେକର୍ଡ କରାଯାଇଛି । ଅଗଷ୍ଟ ମାସରେ ୨୧ଜିଲ୍ଲାରେ ୬୦ରୁ ୯୦ ପ୍ରତିଶତ ପର୍ଯ୍ୟନ୍ତ କମ ବର୍ଷା ହୋଇଛି ।
ଯାଜପୁରରେ ୫୩ ପ୍ରତିଶତ କମ , ଭଦ୍ରକରେ ୫୧ ପ୍ରତିଶତ କମ, ଗଜପତିରେ ୪୩ ପ୍ରତିଶତ କମ , କେନ୍ଦୁଝରରେ ୪୦ ପ୍ରତିଶତ କମ , ବଲାଙ୍ଗିରରେ ୪୩ ପ୍ରତିଶତ କମ ଏବଂ ଝାରସୁଗୁଡାରେ ୪୧ ପ୍ରତିଶତ ନିଅଣ୍ଟିଆ ବର୍ଷା କାରଣରୁ ମରୁଡି ଆଶଙ୍କା ଦେଖାଦେଇଛି । ଜୁନରୁ ଆଜି ପର୍ଯ୍ୟନ୍ତ ଜିଲ୍ଲାରେ ୨୮ପ୍ରତିଶତ କମ ବର୍ଷା ରେକର୍ଡ କରାଯାଇଥିବା ବେଳେ ଅଗଷ୍ଟ ମାସରେ ୯୦ପ୍ରତିଶତ କମ ବର୍ଷା ହୋଇଛି ।
