ବିଜେଡି, କଂଗ୍ରେସ ବିଧାୟକଦଳ ବୈଠକ
ଭୁବନେଶ୍ୱର (ବଡ଼ ଖବର ବ୍ୟୁରୋ): ଆସନ୍ତାକାଲି ଠାରୁ ଆରମ୍ଭ ହେବାକୁ ଥିବା ବିଧାସାଭାର ଶୀତକାଳୀନ ଅଦବବେଶନରେ ବିରୋଧୀଦଳଙ୍କୁ କଡ଼ା ମୁକାବିଲା କରିବେ ସରକାର । ତାଙ୍କର ସମସ୍ତ ପ୍ରସଙ୍ଗର ଉତ୍ତର ବି ରଖିବେ ସରକାର । ଆଜି ବିଜେଡି ବିଧାୟକଦଳ ବୈଠକରେ ଏହି ନିଷ୍ପତ୍ତି ହୋଇଛି । ବିଧାନସୌଧ ପରସରରେ ଅନୁଷ୍ଠିତ ଏହି ବୈଠକ ସମ୍ପର୍କରେ ସୂଚନା ଦେଇ ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ କେଶରୀ ଆରୁଖ କହିଛନ୍ତି,ଏହି ଅଧିବେଶନରେ ୧୦ଟି ବିଲ ଉପସ୍ଥାପନ କରାଯିବ । ୩ଟି ଅଧ୍ୟାଦେଶକୁ ଆଇନରେ ପରିଣତ କରିବାକୁ ବିଲ ଆଗତ ହେବ । ଗୃହ କାର୍ଯ୍ୟରେ ସମସ୍ତ ବିଧାୟକ ଭାଗ ନେବା ପାଇଁ ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍ଦ୍ଦେଶ ଦେଇଛନ୍ତି ।
ଅନ୍ୟପକ୍ଷରେ କଂଗ୍ରେସ ବିଧାୟକମାନେ ଗୃହରେ ରାଜ୍ୟ ସରକାରଙ୍କୁ ଘେରିବା ପାଇଁ ଯୋଜନା ପ୍ରସ୍ତୁତ କରିଛନ୍ତି । ଆଜି ରାଜ୍ୟର ଦୁଇଟି ଥାନାରେ ହୋଇଥିବା ହାଜତ ମୃତ୍ୟୁକୁ କଂଗ୍ରେସ ଗୃହରେ ଉଠାଇ ସରକାରଙ୍କୁ ତା’ର ଜବାବ ମାଗିବ । ଏହା ବ୍ୟତୀତ ଚାଷୀ ସମସ୍ୟା, ଧାନ କିଣାରେ ଅନିୟମିତତା ଓ ଆଇନ ଶୃଙ୍ଖଳା ପରିସ୍ଥିତିକୁ ନେଇ ସରକାରଙ୍କୁ ଘେରିବା ପାଇଁ ଯୋଜନା କରୁଥିବା କଂଗ୍ରେସ ବିଧାୟକଦଳ ନେତା ନରସିଂହ ମିଶ୍ର କହିଛନ୍ତି ।