କଳାହାଣ୍ଡି (ବଡ଼ ଖବର ବ୍ୟୁରୋ): ନୃଶଂସ ସ୍ୱାମୀର ବର୍ବରକାଣ୍ଡ । ଗର୍ଭବତୀ ସ୍ତ୍ରୀର ତଣ୍ଟି କାଟି ହତ୍ୟା ଉଦ୍ୟମ। ଗୁରୁତର ଅବସ୍ଥାରେ କେସିଙ୍ଗା ହସ୍ପିଟାଲରେ ଭର୍ତ୍ତି।ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି କେସିଙ୍ଗା ଥାନା ଧନରମାଲ ଗାଁରେ । ଅଭିଯୁକ୍ତ ହେଲେ ନିହାର ସାହାଣୀ । ସମ୍ବଲପୁର ଅଂଚଳର ପ୍ରକାଶନୀ ସାହାଣୀ ଧନରମାଲ ଅଂଚଳର ନିହାର ସାହାଣୀଙ୍କୁ ବିବାହ କରିଥିଲେ।
ଆଜି ସକାଳୁ ପଡୋଶୀ ପ୍ରକାଶନୀଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି କେସିଙ୍ଗା ହସ୍ପିଟାଲ ରେ ଭର୍ତ୍ତି କରିଛନ୍ତି। ପ୍ରକାଶନୀଙ୍କ ବୟାନ ଅନୁଯାୟୀ ରବିବାର ରାତିରେ ସ୍ବାମୀ ଗଳାକାଟି ଦେବାରୁ ସେ ଅଚେତ ହୋଇ ପଡ଼ିଥିଲେ। ଆଜି ସକାଳୁ ପଡୋଶୀ ଉଦ୍ଧାର କରିଥିଲେ । ଘଟଣାସ୍ଥଳରେ ପୋଲିସ ପହଂଚି ତଦନ୍ତ ଜାରି ରଖିଛି। ଅଭିଯୁକ୍ତ ସ୍ବାମୀ ନିହାର ସାହାଣୀ ଫେରାର ଅଛନ୍ତି।
