ଭୁବନେଶ୍ୱର(ବଡ଼ ଖବର ବ୍ୟୁରୋ: ଗଣେଶ ମୂର୍ତ୍ତି ବିସର୍ଜନ କରିବା ବେଳେ ଘଟିଛି ଅଘଟଣ । ମୂର୍ତ୍ତି ବିସର୍ଜନ କରିବାକୁ ଯାଇ ଭାସିଗଲେ ନାବାଳକ । ଏଭଳି ଘଟଣା ଘଟିଛି ବାଲେଶ୍ୱର ଜିଲ୍ଲା ରାଜଘାଟଠାରେ ଥିବା ବରୁଣୀ ମନ୍ଦିର ସୁବର୍ଣ୍ଣରେଖା ନଦୀ ଘାଟ ଠାରେ । ନିଖୋଜ ଥିବା ଛାତ୍ରଜଣକ ହେଲେ ରାମଚନ୍ଦ୍ରପୁର ଗାଁର ଗୁରୁପ୍ରସାଦ ସାମଲ ।
ସୂଚନା ଅନୁସାରେ ଗୁରୁପ୍ରସାଦ ନିଜ ସାହି ପିଲାଙ୍କ ସହ ଗଣେଶ ମୂର୍ତ୍ତି ବିସର୍ଜନ କରିବାକୁ ସୁବର୍ଣ୍ଣରେଖା ନଦୀକୁ ଯାଇଥିଲେ । ତେବେ ମୂର୍ତ୍ତି ବିସର୍ଜନ କରୁ କରୁ ସମସ୍ତଙ୍କ ଗୋଡ ଖସି ଯାଇଥିଲା । ହେଲେ ସମସ୍ତେ ପହଁରି ପଳାଇ ଆସିଥିବା ବେଳେ ଗୁରୁପ୍ରସାଦ ପାଣିରେ ବୁଡି ଯାଇଥିଲେ । ତେବେ ଖବର ପାଇ ଘଟଣାସ୍ଥଳରେ ଜଳେଶ୍ୱର ଅଗ୍ନିଶମ ବାହିନୀ ପହଞ୍ଚି ଖୋଜା ଖୋଜି ଆରମ୍ଭ କରୁଛି ।
