କେରଳରେ ବଢୁଛି ସଂକ୍ରମଣ

କେରଳ(ବଡ଼ ଖବର ବ୍ୟୁରୋ): ଦେଶରେ କରୋନା ସ୍ଥିତି ଥମିବାରେ ଲାଗିଛି । ଦ୍ୱିତୀୟ ତରଙ୍ଗ ପରେ ସାରା ଦେଶରେ କରୋନା ସଂକ୍ରମିତଙ୍କ ସଂଖ୍ୟା କମୁଥିବା ବେଳେ କେରଲରେ ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି । ଯାହା ସାରା ଭାରତ ପାଇଁ ଚିନ୍ତାର ବିଷୟ ପାଲଟିଛି । ଗତ ଚାରି ଦିନ ମଧ୍ୟରେ ସଂକ୍ରମିତଙ୍କ ସଂଖ୍ୟା ପାଖାପାଖି ୩୦ ହଜାରରେ ପହଞ୍ଚିଛି । କ୍ରମାଗତ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବା କରୋନାର ତୃତୀୟ ଲହରକୁ ସୂଚାଉଛି । ଗତ ୨୪ ଘଣ୍ଟା ମଧ୍ୟରେ ଦେଶରେ୩୪,୪୦୩ଟି ନୂଆ କରୋନା ସଂକ୍ରମଣ ରିପୋର୍ଟ ହୋଇଛି ।

ଏହା ସହ ସଂକ୍ରମଣରୁ ସୁସ୍ଥ ହେଉଥିବା ଲୋକଙ୍କ ସଂଖ୍ୟା ମଧ୍ୟ ହ୍ରାସ ପାଇଛି । କରୋନାରୁ ପୁନରୁଦ୍ଧାର ହାର ୯୭.୬୫% କୁ ବୃଦ୍ଧି ପାଇଛି । କରୋନା ସମ୍ବନ୍ଧରେ ଦେଶର ଅନେକ ରାଜ୍ୟରେ ପରିସ୍ଥିତି ସ୍ୱାଭାବିକ ହେଉଥିବାବେଳେ କେରଳରୁ ବାହାରୁଥିବା ମାମଲା ସମଗ୍ର ଦେଶର ଚିନ୍ତା ବଢାଇଛି । ଲଗାତାର ଅନେକ ଦିନ ଧରି କେରଳରେ ୨୦-୨୨ ହଜାର ନୂଆ ମାମଲା ରୁଜୁ ହୋଇଛି ।