ଖରାପ ହେଲା ଆମ୍ବୁଲାନ୍ସ, ଚାଲିଗଲା ଜୀବନ

(ବଡ଼ ଖବର ବ୍ୟୁରୋ): ବୁର୍ଲା ମେଡିକାଲକୁ ଆମ୍ବୁଲାନ୍ସ ଜରିଆରେ ରୋଗୀ ନେଉଥିବା ସମୟରେ ଅଘଟଣ । ବାଟରେ ଆମ୍ବୁଲାନ୍ସ ଖରାପ ହେବାରୁ ଆମ୍ବୁଲାନ୍ସରେ ରୋଗୀଙ୍କ ମୃତ୍ୟୁ ହୋଇଥିବା ଅଭିଯୋଗ। ଝାରସୁଗୁଡା ଜିଲ୍ଲାର ହିମାଂଶୁ ନନ୍ଦଙ୍କ ସ୍ତ୍ରୀ କୌଣସି କାରଣରୁ ଅସୁସ୍ଥ ଥିଲେ ।

ତାଙ୍କୁ ୧୦୮ ଆମ୍ବୁଲାନ୍ସ ଯୋଗେ ବୁର୍ଲା ମେଡିକାଲକୁ ଅଣାଯାଉଥିଲା । ସେହି ସମୟରେ ସମ୍ବଲପୁର ସହରର ରମେଡ ଛକ ପାଖରେ ଆମ୍ବୁଲାନ୍ସଟି ଖରାପ ହୋଇ ହୋଇଯାଇଥିଲା। ଫଳରେ ଆଉ ଗୋଟିଏ ଆମ୍ବୁଲାନ୍ସକୁ ଡକାଯାଇଥିଲା। ତେବେ ଅନ୍ୟ ଆମ୍ବୁଲାନ୍ସଟି ଆସିବାରେ ଅଧ ଘଣ୍ଟା ବିଳମ୍ବ ହୋଇଥିଲା। ଏହି ସମୟ ମଧ୍ୟରେ ହିମାଂଶୁ ନନ୍ଦଙ୍କ ପତ୍ନୀଙ୍କର ମୃତ୍ୟୁ ହୋଇଥିଲା ଅଭିଯୋଗ ହୋଇଛି।