ଚିଟଫଣ୍ଡ କ୍ଷତିଗ୍ରସ୍ତଙ୍କୁ ରାଜ୍ୟ ସରକାରଙ୍କ ଧୋକା

ଭୁବନେଶ୍ଵର(ବଡ଼ ଖବର ବ୍ୟୁରୋ):  ଚିଟଫଣ୍ଡ କ୍ଷତିଗ୍ରସ୍ତଙ୍କୁ ଧୋକା ଦେଇଛନ୍ତି ରାଜ୍ୟ ସରକାର। ସରକାର ଠକ କମ୍ପାନୀ ଗୁଡିକର ସମ୍ପତିକୁ ନିଜ ଅକ୍ତିଆରକୁ ନେଇଥିଲେ ସୁଦ୍ଧା ଏପର୍ଯ୍ୟନ୍ତ ଯମାକାରୀଙ୍କୁ ସେମାନଙ୍କ ଅର୍ଥ ଫେରାଇ ନାହାନ୍ତି । ଯାହାକୁ ନେଇ ସାମ୍ବାଦିକ ସମ୍ମିଳନୀ କରି ସରକାରଙ୍କ ଉପରେ ବର୍ଷିଛି ଚିଟଫଣ୍ଡ କ୍ଷତିଗ୍ରସ୍ତ ମିଳିତ ମଞ୍ଚ। ମଞ୍ଚ ଅଭିଯୋଗ କରିଛି ଯେ ନିର୍ବାଚନ ଆସିଲେ ଲୋକଙ୍କ ଭୋଟ ହାତେଇବା ପାଇଁ ସରକାର ବିଭିନ୍ନ କମିଶନ ଓ ଫଣ୍ଡ ବସାନ୍ତି। ନିର୍ବାଚନ ସରିଗଲେ ଆଉ କ୍ଷତିଗ୍ରସ୍ତଙ୍କ କଥା ଭୁଲି ଯାଆନ୍ତି ସରକର।

ଏଣୁ ତୁରନ୍ତ ଲୋକଙ୍କ ଜମା ଟଙ୍କା ଫେରେଇବା ପାଇଁ ଦାବି କରିଛି ମଞ୍ଚ। ନଚେତ ଆଗାମୀ ପଞ୍ଚାୟତ ନିର୍ବାଚନରେ ମଞ୍ଚ ଗାଁ ଗାଁରେ ସରକାରଙ୍କୁ ବିରୋଧ କରିବ ବୋଲି ଚେତାବନୀ ଦେଇଛି ।